Mateo 20:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na' mashic inoxontegueñi aso ra'aasa lotqai pila'oga ca nouooqo' quiyi na'a'. Ca lotqai iuane'talo saua liỹa' no'ueenataxana' qaica ca lo'ueenategue'. Ca 'naapegalo': “¿Chi'neco' ma' viito'o' najo queso na'xa'alom sqai 'ueenataxañii?”

Mateo 20:6 Iomraidhean Croise

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Mateo 20:5

Ca co'na' mashic na'xa'a lavinñi, ca lotqai pilauec so a'co'. Chaqai co'na' mashic avitari' lotqai pilauec, chaqaidaata dá'maq 'neetari'.

Mateo 20:7

Ca' saua'maxare 'neraco': “Qaica cá'maq ỹa'ue ca qaro'ueenatec vichiguiño'.” Co'na'le, ca so a'co' 'naapegalo': “Quiipegue' quet qai'neeta yi ỹanaxanqa'. Ca' sepacqajanchigui ma'le acá'maq laseuete ca ro'ueenataxanaxaguii.”

Mateo 20:9

Co'na'le, ca ỹovirero' sauá'maq ro'ueenataxane'o' na' inoxontegueñi aso ra'aasa. Ca' ishiueten so na'xa'alom quiñi 'óna ỹaanem aso 'óna denario.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.

Hechos 17:21

Ma' yá'ogue yi na'ñi yi Atenas, chaqai na chicqauec neeta'ñi yi'maxare, qaica ca liỹa nqo'ta, qaidaata quiyim qana'xaỹaxante'e quiyim 'ue ca qaỹa'xat dalaxaic.

Hebreos 6:12

Se sahoqotaque quiyim reualliñi. Ta'ta'a quiyim quiitalec denaxachii só'maq chicqochigui nqai'en da lpi'ỹaxac chaqai da leualaxavic, ca' ỹaconta'piguit dá'maq lalamaxaret ỹachaxantac ñi qota'a.