Mateo 20:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na' mashic na'xa'a lavinñi, ca lotqai pilauec so a'co'. Chaqai co'na' mashic avitari' lotqai pilauec, chaqaidaata dá'maq 'neetari'.

Mateo 20:5 Iomraidhean Croise

Mateo 20:4

Ca 'naaco' quesaua'maxare: “Qamiri quiipegue' quet qai'neeta yi ỹanaxanqa', ca qataxañii. Ca' ỹim sepacqajanchigui ma'le aca laseuete da ro'ueenataxanaxaguii.” Ca' saua'maxare que'o'.

Mateo 20:6

Ca co'na' mashic inoxontegueñi aso ra'aasa lotqai pila'oga ca nouooqo' quiyi na'a'. Ca lotqai iuane'talo saua liỹa' no'ueenataxana' qaica ca lo'ueenategue'. Ca 'naapegalo': “¿Chi'neco' ma' viito'o' najo queso na'xa'alom sqai 'ueenataxañii?”

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Juan 1:39

Ca' so Jesús 'naaco': —Ỹalahi, 'ajnaxañiỹa. Ca' saua'maxare que' ra'ajnaxanta, ca iuanta cá'maq neeta'ñi so Jesús. Ca' neesa'anyi sá'ogue so avit saua'maxare, ma' mashic lavito' na'le, 'uo' ca las cuatro queso avit.

Juan 11:9

Ca' so Jesús 'naaco': —Yi 'óna na'xa'a ¿se ỹovito'o' caua doce horas? Ma' queca 'óna qom quiyim ỹouootegueri' quiyi na'xa'a, ca se repoxolaxan, ma' iuana na lauaq 'ue quena 'laua.

Juan 4:6

Ca na'ño' aso ni'llivioxoqui qohinac li'ỹa so Jacob. Qam so Jesús mashic isot queda louoxoc, ca nqa'xanlco' so lap aso ni'ỹa, ma' mashic 'uo' ca na'xa'a lavinñi.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 10:9

Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

Hechos 3:1

Ca 'uo' so na'xa'a so Pedro chaqai so Juan nauequetecta', tarishi'ma aca no'ueenaxanaxaqui quiyi Jerusalén, ma' mashic avit, ỹovita yi laloqo' qouagaxainqa'.