Mateo 20:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' so Jesús ỹaatqajam 'uo' da le'xorenataxanaxa quesaua'maxare, ca ipootau'alo naua nqote'. Ca' saua qai'la' chaqa'ma' neuañiñi, ca' coỹaretero queso Jesús.

Mateo 20:34 Iomraidhean Croise

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 15:32

Co'na'le, ca' so Jesús roỹaxanalo saua lapaxaguinatqa. Ca 'naaco': —Ỹaatqajam 'ue da i'xorenataxanaxa quena qomyipi, ma' mashic ỹovite' tres na'xata' quiyim hueete'e najo, qam qaica cá'maq ỹa'ic. Ca' se sa'maxaren quiyim pil, se que'e, 'neeto' 'ue ca ileueta quena nayic.

Mateo 20:33

Ca' saua'maxare 'neraco': —Qami' qara'gaxala', sahoqotaque ñiuanaxañi.

Mateo 21:1

Ca co'na' ipalasaho quiyi Jerusalén, ca ỹovirera'a yi na'a' Betfagé seeque'ta yi quemaralec late'ogue' leenaxat nananqa' ana qo'paq olivos. Ca' so Jesús 'vio' saua dos ilate' quesaua lapaxaguinatqa.

Mateo 8:15

Ca so'maxare ipootau'a da lqai'laxat, ca eec so lpa'ỹaaxa. Ca ne'laxashiguim aso'maxare, ca' quelolta'pegueto saua'maxare.

Mateo 9:29

Ca' so Jesús ipootau'alo saua nqote' saua'maxare. Ca 'naaco': —Ỹaatqajam ipaquichigui dá'maq 'neeta da rpi'ỹaxaguii.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

Marcos 7:33

So Jesús ỹaueguec, nodaqajantec queso qomyipi. Ca ỹahote'e ada lpalaaqate ỹa'deu'guelo naua lque'laa lauaco, chaqai natoxoguilo naua lpalaaqate, ca ipootau'a ñi lo'legaxanaxat.

Lucas 18:43

Ca' quiyi, ca so qai'laq neuanñi, ca' co'uaategue so Jesús, imaqachintac ñi qota'a. Chaqai sá'ogue so qomyipi só'maq iuanchigui dajo qai'neeta imaqachintac ñi qota'a.

Lucas 22:51

Qam so Jesús 'naaco': —'Xañaac, yí, nalootañi. Ca' so Jesús ipootau'a so lque'la so nelaatec, ca ỹomatec.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.