Mateo 20:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam caqamiri, ca' sqai 'neeta dajo ma'le. Ta'ta'a quiyim cá'maq ỹahotaque paguec ỹapacauec caqamiri, ca' ca'maxare quelola ná'maq liỹaripi.

Mateo 20:26 Iomraidhean Croise

Mateo 20:27

Chaqai canchaqaica caqamiri ỹahotaque quiyim 'auaxaic, ca ca'maxare, ca' na'ac quená'maq liỹaripi.

Mateo 25:44

Ca saua'maxare 'nerac ma'le: “Qami' qara'gaxala', ¿negue' quet cá'maq 'neeta? Ma' quena' seuanqa'ta qami' rqopachi', loqo'm 'xoic raquipi', loqo'm 'mi'segueri', loqo'm qaica qatooỹaqui', loqo'm qami' ralolaxaic, loqo'm qami' ncoñiiteguesec, ca' sotauanqai'.”

Mateo 27:55

Ca 'xoico' so 'aallipi hueete'eyi ra'iitaho qoỹoqote'oga, quesauá'maq queesa'pegue'o' na'le so Jesús quiyi Galilea, chaqai ỹotauansaco' quen.

Marcos 10:43

Qam caqamiri sqai 'neeta dajo ma'le. Ta'ta'a cá'maq ỹahotaque ỹapacauec caqamiri, ca' chaqaica cá'maq quelola ná'maq liỹaripi;

Marcos 10:45

Ma' vire'ta najo ỹale llaalec mesqa nac ỹahotaque quiyim qaiquelola, ta'ta'a quiyim ná'ogue quelola, chaqai quiyim ỹaanec da nachaalataxac 'ec laseue' nqai'en quiyim 'xoic ca qanca'laxatec qomyipi.

Marcos 9:35

Co'na'le, ca nqa'xanñi so Jesús, ca roỹaxanouguilo saua doce lapaxaguinatqa. Ca 'naaco' quesaua'maxare: —Cá'maq ỹahotaque quiyim 'auaxaic, ca' chaqaica cá'maq paguec co'uaataxanta, chaqai quelola ná'ogue na liỹaripi.

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Lucas 22:26

Qam qamiri sqai 'ñiita dajo ma'le. Ma' cá'maq ỹapacauec caqamiri, da no'ueenataxac 'neeta'gue ca paguec ne'necolec; chaqai cá'maq relaataxan, 'nejem nqai'en da no'ueenataxac ca nelaatec.

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

Hechos 13:5

Ca co'na' ỹovijta yi lanatqa' aso qom lahi', leenaxat Salamina. Ca' quiyi, ca tarougui naua lapoxoqui' na judioipi, ca ỹa'xatesac da la'qaatec ñi qota'olec. Ca' so Juan Marcos qai'neeta rotaanaxantac, nauequetecto saua'maxare.

2 Corintios 1:24

Ma' qomi' se sahoqotaque cá'maq sapaxaguinaxaque qamiri quiyim viilec, ma' mashic ỹa'maqachiguiñi da rpi'ỹaxaguii. Qaidaata quiyim sotauanaxai' qamiri, qaiyi noquic ca netoonaxaguii.

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

Filemón 1:13

Ỹa'maqachiguiñi quet quiyim ñaq ñolliitañi quet, qaiyi nimiiñiguit aqami' quiyim yotauan ro'ueenataxanot aỹim, ma' ỹim ncoñiiteguesec sasouetapigui quiyim sa'xatetac da na'qaataxac so Jesús.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.

1 Pedro 5:3

Mesqai 'ñiita'gue quiyim 'ec ralamaxarichii acá'maq loxoita'a. Ta'ta'a quiyim viitaque qaỹadenaxachichigui dá'maq 'ñiitari' quecá'maq loxoita'a,

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.