Mateo 20:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Jesús inato' aso'maxare, 'naaco': —¿Negue' cá'maq vi'saque? Ca' aso'maxare 'naaco': —Sahotaque 'ỹaañirec quet nagui ca ra'qaachiqui', quiyim ma' ỹovita ca laloqo' da ro'ueenataxanaxaqui' quiyim qami' nashi, ca' quenauajo ỹaalqa 'óna quet ca nqa'xanta'gue da qatoiqui' ma'le, chaqai ca liỹa queda nemaqai'.

Mateo 20:21 Iomraidhean Croise

1 Reyes 3:5

Ca 'uo' so pe quiyi Gabaón, ca' ñi qara'gaxala' nachaxana so'maxare, viichigui nqai'en so lelaxac. Ca 'naaco': —Ỹaxañiraque nagui cá'maq viñisaque, ca' saanem qami'.

Ester 5:3

Ca' so nashi inat aso'maxare: —¿Negue' ca 'ñi'sa'pegue, qami' nashi Ester? ¿Negue' ca vi'saque? Ca ¡'eno'm shiilaxañitegue na lavinñi na seloqota'a 'lauaripi, qaiyiita saañiraxarom! Ca' aso Ester 'naaco':

Salmos 110:1

Ñi qara'gaxala' qota'olec 'naac caqami' ỹa'gaxala': Nqa'xañiriñi queda ỹoic, toco' ma' ỹovita quiyim sillo'oto naua qapiaachichi' na npa'guenaxaua'e'ipi.

Salmos 45:9

Cana 'aalo quiyim qami' nashi 'ue ana nashi llaale; ca' queda qatoiqui' pa'aata'gue añi roua'e' nashi, no'ueetaxat ná'maq paguec loyac 'oro.

Jeremías 45:5

¿'Ue cá'maq vi'saque shiilaxañiraque cá'maq no'uen? Qam sqai shiilaxañiraque, ma' ỹim sahotaque ñila' ca ne'xoric quená'ogue na qomyipi. Qam qaidaata quiyim qami' ñaq rca'lli'sauec quecá'maq 'itegue. Ỹim na'gaxala', se'taxajñi da ỹa'qaatec. (46.1—52.34 Da la'qaatec ñi qara'gaxala' 'naac quiyim ỹa'ue ca nouaxanaxaset yi Egipto chaqai yi Babilonia. Noxonec yi Jerusalén. Qanopoxoỹaxajñi so no'ueenaxanaxaqui lodegaxat. Ca' so judioipi qainaxague da Babilonia.)

Mateo 18:1

Ca' quesojo na'xa'a, ca' saua lapaxaguinatqa so Jesús noquiicra'a so'maxare, ca inate', 'neraco': —¿Negue' cá'maq paguec lecaic nqohin quená'maq hueetaugui dá'maq lo'ueenataxanaxac ñi qota'a neeta'gue da piguim?

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 20:22

Qam so Jesús 'naaco' caso'maxare: —Qamiri sqa 'yiiñii cá'maq shiilaxañitaque. ¿Qamiri shichiho' quiyim viriỹau'a da ñi'guenaxac dá'maq 'ec aca naqana chim qayi'taxañigui chaqai coñiguit dá'maq chilaxac secoñiguit ma'le? Ca saua'maxare 'neraco': —Ajá'a, seshitaq.

Mateo 20:32

Co'na'le, ca' so Jesús hua'e, ca roỹaxanalo saua qai'la'. Ca inate'o', 'naaco': —¿Negue' cá'maq viitaque quiyim so'uet caqamiri?

Marcos 10:51

Ca' so Jesús inato' na'le so'maxare, 'naaco': —¿Negue' cá'maq vi'saque quiyim sa'ue caqami'? Ca' so qai'laq 'naaco': —Qami' napaxaguinataxanaq, ỹim sahotaque ñiuanñi.

Marcos 16:19

Ca co'na' ime ỹa'xatema dajo saua'maxare, ca' so qara'gaxala' Jesús naỹoxonshiguim nqohin, ca' taigue da piguim, ca' nqa'xanñi queda loic ñi qota'olec.

Marcos 6:22

Ca' aso llaale aso Herodías inoxoneu'a yi hua'ñi ca nqui'ỹaxac, ca' rasot. Ca' dajo rasotaxac aso'maxare ỹaatqajam nqo'ta so Herodes, chaqai so lqui'ỹaxauaripi. Ca' so nashi Herodes 'naaco' caso'maxare: —Yashiila'e' quecá'maq vi'saque, ca' ỹim saanem qami' ma'le.

Lucas 18:41

—¿Negue' ca viisaque quiyim so'uet caqami'? Ca' so'maxare 'naaco': —Qami' ỹa'gaxala', sahotaque quiyim nauañiñi naua ñqote'.

Lucas 19:11

Ca co'na' so qomyipi ñaq na'xaỹaxantapega so Jesús queda ỹa'xatetac, ca so'maxare ỹa'uo' ca raloqojnaxana, ma' mashic tot qoỹoqaque yi Jerusalén. Ma' so qomyipi pe'taxantaque quiyim mashic ỹovita ca laloqo' quiyim ñi qota'a ỹoiquentac ná'ogue najo.

Lucas 22:24

Ca' quiyi, ca retaqata'ta' saua'maxare negue' ca ỹapaguec lecaic nqohin quesaua'maxare.

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

Hechos 1:6

Co'na' ñaq liỹareta'pe saua lelaatqa so Jesús, ca' qainat: —Qami' qara'gaxala', ¿chaqaino' na na'xa'a quiyim lotqai noỹootec nqai'ñi' na qouo', ná'maq llaalqaipi so 'auaxaic qareta'a Israel?

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Romanos 8:34

¿Negue' queto' cá'maq ishit quiyim ỹa'ue ca nouaxanaxaset? Ma' so Cristo só'maq ileu, chaqai qai'neeta paguec quiyim chaqaiso só'maq liỹa nca'leuec, chaqai neeta'gue da loic ñi qota'a, rashiilaxanteguelgoto qomi'.

Colosenses 3:1

Ca' qamiri, ma' mashic shi'gue rca'laxauahi so Cristo, ca' daañiỹaque cá'maq hueeta'gue da piguim dá'maq neeta'gue so Cristo, nqa'xantañi, pa'aata'gue da loic ñi qota'a.