Mateo 20:2 - La'qaatqa ñi qota'olec Qota'olec & Qota'olec Novita Na Qomyipi

² Ca so'maxare na'deena'pegue' so 'ueenataxanaxairipi quiyim ishiueten aso 'óna denario quiyi na'xa'a. Ime, ca' ilare'oga so lanaxanqa' quiyim ro'ueenataxan.

Mateo 20:2 Iomraidhean Croise

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Mateo 18:28

Qam co'na' chi inoxonec sojo nelaatec, ca nachiñi'chiguit so liỹa nelaatec lo'ueenataxanaxaua 'uo' aso la'uallo'lli' queso'maxare. Ca nqosoxone'tot na lqosot, ca ỹovicqoto'ot, ca 'naaco': “¡Shivichiñi' aca ra'ualli'i' caỹim!”

Mateo 20:1

Da lo'ueenataxanaxac ñi qota'a neeta'gue da piguim, da'maxare 'nejem cá'maq 'ue ca lanaxanqa' quiyim o'tetam idaanaque cá'maq naqat aca lanecse 'úva.

Mateo 20:13

Qam so a'co' 'naaco' queso 'óna quesaua'maxare: “Ỹim shinac caqami' ỹim se sachi'segueñi, ma' na' ña'deenqatecta', shinac seshiueten aca 'oono'lli' denario quiyi na'xa'a.

Mateo 20:3

Ca' so a'co' na' noỹoxoguem aso ra'aasa lotqai iuane'talo saua liỹa' quiyi nouooqo' quiyi na'a', qaica ca lo'ueenategue'.

Mateo 20:9

Co'na'le, ca ỹovirero' sauá'maq ro'ueenataxane'o' na' inoxontegueñi aso ra'aasa. Ca' ishiueten so na'xa'alom quiñi 'óna ỹaanem aso 'óna denario.

Mateo 22:19

Ñaq nachaxañim acá'maq chiróla nishiuetenaxanqate quiyim qaishiueten ca nashi. Ca' qanodou'a aso 'oono'lli' denario.

Mateo 9:37

Ca 'naapegalo na'le saua lapaxaguinatqa: —Ỹaatqajam 'xoic ana la na nanecsec, qam sqo vito'olqai' nauá'maq raqataxane' quet.

Marcos 12:15

Qam so Jesús ỹa'den quiyim se no'uen da 'neesa'pegue saua'maxare, ca 'naaco': —¿Chi'negue ma' viitaque quiyim yachiiñi? Ñaq nodoiquena aca chiróla, ñaq sa'ajan.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 10:35

Ca' queso liỹa na'xa'a, co'na' mashic reloqouec quiyim liỹa eec so Samaria le'ec, ca' naviquishiguim saua dos lishiuetenaxanqate, ca ỹaanem só'maq la'a' yi nanatqa'. Ca 'naapega: “Loqoira'a ma'le najo ỹale. Ca no'm 'ue aca ỹa'ỹaauec la'uale, ca' seshiueten ma' yapil.”

Lucas 20:24

Ñigo', ñaq nachaxañim cá'maq chiróla. ¿Negue' lqui'i ñi hueetalec? chaqai ¿negue' leenaxat yí'maq hueetalec? Ca' saua'maxare 'neraco': —Chaqaiñi ñí'maq lashi na nashillipi quiyi Roma.

2 Timoteo 3:15

Ma' na' ñaqaqami' noctoqui' chaqa'ma' 'yiiñi' naua naneresañi la'qaatqa ñi qota'a, ma' ishite' rapaxaguiñi' chaqai raviquira'guit da nca'laxa dá'maq chicqochigui da qarpi'ỹaxac queso Cristo Jesús.

Apocalipsis 6:6

Ca' 'ue so sa'xaỹaque nivillaxac 'maxañigui na lavinñi' saua ise' nca'leesauec, 'naacsa': —Qaicaata ca un quiloqui' quena trigo na'chiguit nqohin ca lo'ueenataxanaxac ca qom quiyi 'óna na'xa'a, chaqai 'nejem ca lashivichaqa' ca tres kilos cana cebada. Qam se qana'laxatañi na aceite na'ic chaqai na lataxa.

1 Samuel 2:18

Qam so noctoqui' Samuel queetalec ỹo'ueetetac na lo'ueenataxanaxaquipi ñi qara'gaxala' ỹansañi saua loho lo'ueenataxanaxaqui' chicqoraugui na lino.

1 Samuel 2:26

Qam so Samuel mashic ne'nec, noquiiquetashiguim da llaaxa. Ca' da no'ueenataxac so'maxare ỹaatqajam nqo'ta ñi qara'gaxala' chaqai na qomyipi. (2.27-36 Qaỹa'xateta'guit da 'neeta ma'le so llaalqaipi so Elí.)

1 Samuel 3:1

Ca' so ne'nec Samuel queetalec da lo'ueenataxanaxac quiñi qara'gaxala' hueeta'ñoto naua lelaataxanaxaco so Elí. Ca' quesauajo na'xata' ỹaatqajam qaica ca qom qoỹaanem ca la'qaatec quiñi qara'gaxala', chaqai ỹaatqajam 'ue da lovic ca qom qaỹa'ue ca leuanaxanaxac.

1 Samuel 3:21

Ca' ñi qara'gaxala' lotqai liỹa nachaxan hua'ñi yi Silo, ma' chaqaiyi hua'ño' na' nachaxana so Samuel quiyim ỹa'xat da la'qaatec.