Mateo 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Co'na'le, ca' so Herodes ỹaatqajam nañoxochichiguiñi roỹaxanalo saua 'deenaxanqachaqaqa. Ca inatete' quecá'maq viquio' na' re'oq aca huaqajñi.

Mateo 2:7 Iomraidhean Croise

Éxodo 1:10

Ca 'maxaraic quiyim sahoqe ca shinqa'tegue, ca' squepaxataq, qaiyi se nqo'neuec. Ma' sqoue quiyim 'ue ca lauataq, ca' huaxaiguit ca qanpa'guenaxaua, ca nco'ỹa'to qomi', ca' ca'e najo 'laua.

Números 24:17

'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Mateo 2:1

Ca' so Jesús ne'xaỹoqsoqo' yi na'a' leenaxat Belén, huaugui yi 'laua Judea, co'na' so Herodes nashi quiyi'maxare. Ca ỹovirera'o' yi na'a' lodegaxat Jerusalén saua ỹale' chicqora'gue da lqodoigue. Saua'maxare ỹaatqajam ỹa'deene' retane' ana huaqajñi.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:8

Ca co'na' ime, ca' ilate' queda Belén, ca 'naapegalo': —Mohi, 'iigue da'maxare, qam ỹaatqajam nataxañiỹaque cajo noctoqui'. Ca ma' nachiỹa, ca' vii ca ỹa'xaỹaxac, qaiyi ỹim qai'neeta shicpegue' semaqachin.

Hechos 24:22

Ca co'na' 'xaỹa dajo so Félix, chaqai mashic ỹa'deenta da llicyaxac ná'maq huelec so Jesús, ca' ỹaqaguita'guit, ca 'naaco': —Saqa' ime dajo, qam ñauaanqa'piguito' ca nouaataxanaq lashi Lisias, ca paguec sa'deenta ma'le cá'maq 'neeta dajo caqamiri.

Apocalipsis 12:15

Ca' so 'ec nanaic nesal, nahougui nqai'en na lap so huaxaỹaq ỹo'uet lachiugue, qaiyi ỹaỹoxonaxat aso 'aalo.