Mateo 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca co'na'le, ca só'maq nashi roỹaxanougui ná'ogue na la'gaxalateripi na letaxaỹaxanqajanqaipi na qomyipi quiyim qaretaxaỹa'pegue' ñi qota'a, chaqai ná'maq napaxaguinataxanaripi quena qomyipi quiyim ỹapaxaguinegue na naqataxaquipi. Ca renataxanegue cá'maq hua'gue ca ne'xaỹoqsoqo' ma'le cá'maq nashi nca'laxaqui.

Mateo 2:4 Iomraidhean Croise

Esdras 10:5

Ca co'na'le, ca' so Esdras nachajñi, ca' ỹaatqajam ỹaanec nqai'en da la'qaatec na netaxaỹaxanqajanqaipi chaqai na lotauaripi chaqai sá'ogue so llaalqaipi so Israel, qaiyi na'maxare ipaquichigui da lasaataxac. Ca' so qomyipi ỹaatqajam saachiguit da na'qaatec.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 2:3

Ca co'na' ỹa'den dajo so nashi Herodes, ca' tot ỹa'den ca 'neeta, chaqai qai'neeta ná'ogue na qomyipi na'ñi yi Jerusalén.

Mateo 2:5

Ca saua'maxare 'nerac: —Yi Belén hua'ñi ma' ne'qaañi, huaugui yi 'laua Judea, ma' so letaxaỹaxanqajnec ñi qota'a chaqaida 'ne'tegue na' ỹiriñi:

Mateo 21:15

Qam co'na' saua la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi ro'ỹe' co'na' iuanchigui quiyim qaỹo'uet ná'maq se qaiuanapega, chaqai co'na' 'xaỹa na ñaaqaipioqui' ỹaualqatalec quiñi no'ueenaxanaxaqui: “Ỹaatqajam 'ue da lquesaxanaxa da llaalec so qarashi David.”

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Mateo 26:3

Ca' quesojo na'xa'a, ca' so lashillipi so netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi, chaqai na judioipi qo'xoiquipi, lapoỹata' quiyi nasoxoc yi la'a' so Caifás, lashi so netaxaỹaxanqajanqaipi.

Mateo 26:47

Ñaq retaqataco' so Jesús co'na' noviro so Judas só'maq 'óna quesaua doce lapaxaguinatqa, liỹaatac so 'xoic qomyipi 'ue na lecat chaqai na nepon qo'paq, nelaatqaipi queso letaxaỹaxanqajanqaipi na qomyipi quena' qaretaxaỹa'pegue' ñi qota'a chaqai so lqo'xonqaipi na judioipi.

Mateo 27:1

Ca co'na' richiguiñi, ca sá'ogue so lashi na netaxaỹaxanqajanqaipi chaqai so lqo'xonqaipi na judioipi mashic na'deenta' quiyim ỹa'ue ca la'maqa' quiyim qaỹalauat so Jesús.

Mateo 7:29

Ma' queda lapaxaguinataxanaxac ỹaatqajam 'chichiguiñi, 'ue da lquesaxanaxa, mesqai 'nejem ná'maq rapaxaguinataxanta'pegue na naqataxaquipi chicqo'ot so Moisés.

Marcos 8:31

Co'na'le, ca' ra'qaataxantapegalo so'maxare, ca 'naaco': —Najo ỹale llaalec 'xoic ma'le ca le'xoric, chaqai qaỹo'daauec ma'le quena nqo'xonqaipi, chaqai quena la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi. Chaqai ra'qaataxanema quiyim qaỹalauat ma'le so'maxare, qam ma' ỹovirerec caua tres na'xata', ca lotqai liỹa nca'leuec.

Lucas 20:19

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'a chaqai so rapaxaguinataxanta'pegue na naqataxaquipi, saua'maxare chaqa'ma' ỹahosaque ỹacondelec queso na'xa'a so Jesús, ma' retane' quiyim chaqaisaua saua taachiguilo so qaraloqojnaxana. Qam qano'chitapega so qomyipi.

Lucas 23:10

Chaqai qai'neeta hueete'eyi só'maq lashillipi na netaxaỹaxanqajanqaipi chaqai ná'maq rapaxaguinataxanta'pegue na naqataxaquipi, ỹaatqajam ipaca'a 'xoic na imaqateguelec lasauaxaset so'maxare.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Juan 3:10

Ca' so Jesús 'naaco': —Ỹaatqajam qami' napaxaguinataxanaq quena llaalqaipi so Israel, qam ¿sqa 'yiiñi'o' dajo?

Juan 7:32

Na fariseoipi co'na' 'xaỹa so qomyipi ỹa'xatetac so Jesús, ca so fariseoipi chaqai na lashillipi na netaxaỹaxanqajanqaipi ila' so nouaataxanaq neloxoỹaripi cañi no'ueenaxanaxaqui quiyim coñi' so Jesús.

Juan 8:3

Co'na'le, ca ná'maq rapaxaguinataxanta'pegue na naqataxaquipi chaqai so fariseoipi nauegueu'a so Jesús aso 'aalo qaiuanalec quiyim nocachita'pegue' ca se loua. Ca' qaillaañigui na lavinñi quecá'maq hueeta'anyi qomyipi.

Hechos 23:9

Ca sá'ogue ỹaualqatagui. Ca 'vio' saua ne'laxachishiguim napaxaguinataxana' quena naqataxaquipi. Saua'maxare ỹalequesaugui na fariseoipi, ca 'neraco': —Dajo ỹale qaica ca lasauaxaset. Chaqai no'm qanetaxaỹa'ña queca nqui'i, loqo'm ca chicqashiguim qota'a lelaatec, ca se ỹa'maxañi quiyim 'ec ñpa'guenqata'pegue' ñi qota'olec.

Hechos 4:5

Ca co'na' queca nete'e, ca lapoỹata' quiyi Jerusalén so lashillipi na judioipi, chaqai na qo'xoiquipi, chaqai na rapaxaguinataxanta'pegue na naqataxaquipi.

Hechos 6:12

Ca' queda, ca 'em ro'o so qomyipi chaqai so qo'xoiquipi, chaqai so rapaxaguinataxanta'pegue na naqataxaquipi. Ca' qai'guentalec so Esteban, ca qaiconlec, qaỹauegueu'a so nashillipi ỹo'ueetegueñi na leloxoỹaxaquipi.