Mateo 2:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Mateo 2:23 Iomraidhean Croise

Mateo 1:22

Ná'ogue najo 'uo' na'le, qaiyi ipaquichigui da la'qaatec ñi qara'gaxala' na' retaqaugui so letaxaỹaxanqajnec, 'naacsa':

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Mateo 26:71

Ca' so Pedro co'na' mashic quepegue' ñi lasom, ca qaiuane'ta caso liỹa. Ca 'naaco' quesauá'maq neesa'anyi: —Sojo ỹale qai'neeta liỹaatac na'le so Jesús só'maq Nazaret le'ec.

Marcos 1:24

—¿Chi'negue ma' nishichirau'alo qomi', qami' Jesús, le'ec yi Nazaret? ¿Novichi' quenajo ma' viisaque quiyim huagaxachira'pe qomi'? Ỹim sa'den qami' quiyim qami' lalamaxaret ñi qota'olec.

Marcos 1:9

Ca' quesaua na'xata', ca' novi' so Jesús, chicqotau'a yi na'a' leenaxat Nazaret, yi'maxare huaugui yi 'laua Galilea. Ca' so Juan nachilaxan caso lachiugue Jordán.

Lucas 1:26

Ca co'na' mashic inoxondec saua seis shiriguiri, ca' ñi qota'olec ilata so Gabriel yi na'a' Nazaret huaugui yi 'laua Galilea,

Lucas 18:37

Ca' qara'qaataxanem so'maxare quiyim so Jesús, le'ec yi Nazaret, só'maq queetalec yí'maq hueeta'ñi so'maxare.

Lucas 2:39

Ca co'na' mashic ime qaỹo'uet ná'ogue na naneretañi lelaataxanaxaquipi ñi qara'gaxala', ca saua'maxare, ca piltegue da Galilea, querepegue' yi ỹaatqajam la'aate' quiyi na'a' Nazaret.

Juan 18:5

Ca saua'maxare 'neraco': —Sedaanqataque ca Jesús, le'ec yi Nazaret. Ca' so Jesús 'naaco': —Chaqaỹim na'taxare. Ca' so Judas só'maq ỹaano so'maxare, ỹalequetauguilo saua'maxare.

Juan 18:7

Ca lotqai liỹa inate' so Jesús saua'maxare: —¿Negue' cá'maq daañitaque? Ca saua'maxare 'neraco': —Sedaanqataque ca Jesús, Nazaret le'ec.

Juan 19:19

Ca' so Pilato relaataxanlec quiyim qoỹanagui na pa'aashiguim queso npatenaxala' so Jesús so nerec 'naac: “Jesús, Nazaret le'ec, lashi na judioipi.”

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Jueces 13:5

ma' qami' 'ue ma'le cajo qachaalqui'. Qam ca'maxare se qanepetec ma'le na laue, ma' cajo noctoqui' da nachaalataxac qoỹaanot ñi qota'olec quiyim saqa' ne'qaañi, qaiyi louenec, qaiyi ca'maxare chaqaica ma'le cá'maq naqatec ma'le na llaalqaipi so Israel queda lquesaxanaxa na filisteoipi.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.