Mateo 2:2 - La'qaatqa ñi qota'olec Qota'olec & Qota'olec Novita Na Qomyipi

² Ca renataxane': —¿Negue' cá'maq hueeta'gue ca lashi na judioipi cá'maq chita'gue ne'qaañi? Ma' queda lqodoigue dá'maq sachigoxosqa'gue, seuanaxa aso netanqate huaqajñi. Ca' vichiguiño' ñanaguinaq quiyim semaqachinaq ca'maxare.

Mateo 2:2 Iomraidhean Croise

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Salmos 45:11

ma' ñi nashi nqo'teu'a dá'maq royaaqui'; ñi'maxare chaqaiñi ñi ra'gaxalachi', ca' qaiñiita na'xaỹaxañita.

Isaías 60:3

Na ỹoreta'oguit qomyipi nacpegue' aca rcoỹeraxanaxagui'i', na nashillipi nacpegue' dá'maq lauaq re'xolec nqai'en qami'.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Números 24:17

'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Mateo 2:3

Ca co'na' ỹa'den dajo so nashi Herodes, ca' tot ỹa'den ca 'neeta, chaqai qai'neeta ná'ogue na qomyipi na'ñi yi Jerusalén.

Mateo 21:5

'Ñiỹapega ma'le yi na'a' lodegaxat leenaxat Sión: “Ñaq ra'iiguit ná'maq rashii, naatau'a qamii, ne'xoresentam, neetalec so 'ashinoqui', llaalec ana 'ashina ni'ỹaac lomalate.”

Mateo 27:11

Ca' so Jesús qaỹauega'a so nashi Pilato. Ca so'maxare inato' so Jesús, 'naaco': —¿Qami'o' ná'maq qami' lashi na judioipi? Ca' so Jesús 'naaco': —Ajá'a, chaqaida dá'maq 'ñirac.

Lucas 19:38

Ca' qohinac: —¡Ỹaatqajam no'uen da llicyaxac na qarashi, ma' naquetaugui da leenaxat ñi qara'gaxala'! ¡'Uo' ma'le ca na'maxa quena piguim chaqai quedá'maq lecaic ñi qota'olec!

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 23:3

Ca' so Pilato inato' so'maxare, 'naaco': —¿Chaqaqami'o' ná'maq qami' lashi na judioipi? Ca' so Jesús 'naaco': —Ajá'a, chaqaida dá'maq 'ñirac.

Lucas 23:38

Ca 'uo' so nerec qoỹeretalec na pa'aashiguim, hueetalec naua la'qaatqa na griegoipi chaqai na latinoipi chaqai hebreoipi, 'naac: “Ñi'maxare chaqaiñi ñí'maq lashi na judioipi.”

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 12:13

Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari': —¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 19:19

Ca' so Pilato relaataxanlec quiyim qoỹanagui na pa'aashiguim queso npatenaxala' so Jesús so nerec 'naac: “Jesús, Nazaret le'ec, lashi na judioipi.”

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Juan 9:38

Ca co'na'le, ca so ỹale ỹa'chi'iñi naua le'cootal quiyi reloqota'ñi so Jesús, ca 'naaco': —Seuelec qami', qami' ỹa'gaxala'.

Hebreos 1:6

Qam na' noviraxat so 'auaxaic llaalec quena 'laua, ca 'naaco': Ná'ogue na lelaatqaipi ñi qota'a queda piguim ỹa'dooto naua le'cootal so'maxare.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.