Mateo 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' neesa'gue da'maxare, chi ỹovireto'o' na' ileu so Herodes. Ca' dajo 'neeto' na'le, qaiyi ipaquichigui da la'qaatco' na'le ñi qara'gaxala' queso la'qaataxanqajnec co'na' 'naac: “Soỹaxana ñi ỹaalec quiyi Egipto.”

Mateo 2:15 Iomraidhean Croise

Oseas 11:1

Ca na' ñaqai 'ec ñaaqaipioqui' so llaalqaipi so Israel, ca ỹim se'xorentac; ca so'maxare, ma' ỹaalec, ca' soỹaxana'a quiyi Egipto.

Números 24:8

Ñi qota'olec ñí'maq naqata'a na'le quiyi Egipto yi'maxare, ca' quiyi'maxare 'neetari' aca tooro lasote quiyim reloquilec. Na Israel llaalqaipi ỹaatqajam nimiichiguiñi nqai'en ma'le ná'ogue na ỹoreta'oguit qomyipi pa'guenaxantac; ỹaqaguit na lpi'nec chaqai que'maqachit, ỹahote'e na lovic.

Mateo 1:22

Ná'ogue najo 'uo' na'le, qaiyi ipaquichigui da la'qaatec ñi qara'gaxala' na' retaqaugui so letaxaỹaxanqajnec, 'naacsa':

Mateo 2:14

Ca' so José, chaqaiso só'maq pe, ca' ne'laxashiguim. Ca' iconsop so noctoqui' chaqai aso late'e, ca liỹareterec, taategue da Egipto.

Mateo 2:17

Ca' queda, ca' ipaquichigui dá'maq ỹiriño' na'le so qota'a letaxaỹaxanqajnec leenaxat Jeremías, 'neetasa':

Mateo 2:19

Qam co'na' mashic ime ileu so Herodes, ca' so nelaatec quiñi qara'gaxala' piguim le'ec, ca lotqai liỹa nachaxana so José quiyi Egipto queso lelaxac. Ca 'naapego':

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Mateo 21:4

Ca' dajo 'neeto' na'le queso'maxare, qaiyi ipaquichigui dá'maq la'qaatco' na'le so letaxaỹaxanqajnec ñi qota'a co'na' ỹiriñi:

Mateo 26:54

Qam quiyim shi'ntegue dajo, ca ¿negue' quet cá'maq 'neeta quiyim ipaquichiguilo quet naua naneresañi la'qaatqa ñi qota'a, ma' ỹa'xate' quiyim chaqaida 'neeta ma'le dajo?

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Mateo 27:35

Ca co'na' mashic ime qaipateno, ca' saua nouaataxana' lase' nallichiguilo saua loho so Jesús, qaiyi naloguilo saua'maxare. Ca' quedajo, ca' ipaquichigui dá'maq 'naaco' na'le so letaxaỹaxanqajnec ñi qota'a co'na' 'naac: “Nallichiguilo na'le saua ỹoho, ca neuagaxachiguilo.”

Mateo 8:17

Ca' dajo 'neeto' na'le, qaiyi ipaquichigui da la'qaatco' na'le so qota'a letaxaỹaxanqajnec leenaxat Isaías co'na' 'naac: “Ca'maxare icona so qarolauaxa chaqai i'xat so qaralolaxa.”

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Juan 19:36

Ma' dajo 'ue qaỹovirau'a, qaiyi ipaquichigui da 'nerac naua naneresañi la'qaatqa ñi qota'a, ma' 'nerac: “Qaica ca qaỹaqaguit quena lpi'nec.”

Hechos 1:16

—Qamiri ỹaqaỹa', nagui ỹovita quiyim qaipacqajanchiguilo naua nerecse' hueetaugui yi la'qaatec, so Espíritu Santo co'na' ỹa'qaataxanaxan so nashi David queda 'neeta so Judas. Ma' chaqaiso só'maq ỹauec na'le so coñi' so Jesús.