Mateo 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Mateo 2:13 Iomraidhean Croise

1 Reyes 3:5

Ca 'uo' so pe quiyi Gabaón, ca' ñi qara'gaxala' nachaxana so'maxare, viichigui nqai'en so lelaxac. Ca 'naaco': —Ỹaxañiraque nagui cá'maq viñisaque, ca' saanem qami'.

Éxodo 1:22

Qam so Faraón 'naaco' quesó'maq chi lauo' laseripi: —No'm 'ue ca ne'qaañi noctoqui' quena hebreo lasellipi, ca qainaxe'ogo' ma'le aso lachiugue. Qam ana nocto'lli' ne'qaañi, ca' qanca'laxatetauec.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 10:23

Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Mateo 2:12

Ca co'na' ime, ca 'uo' so le'guemataxac, ca' qaraqata quiyim sqai pilegue dá'maq na'gue so Herodes. Ca piltegue da la'aate', qam queetetegue ca liỹa nayic.

Mateo 2:14

Ca' so José, chaqaiso só'maq pe, ca' ne'laxashiguim. Ca' iconsop so noctoqui' chaqai aso late'e, ca liỹareterec, taategue da Egipto.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:22

Qam co'na' so José ỹa'den quiyim so Arquelao nashi quiyi Judea, hueeta'ñi yi loma' so leta'a Herodes, ca 'ue da lqolonaxa quiyim quepegue' yi'maxare. Ime, ca' 'ue so qaỹachaxana queso le'guemataxac, ca' so'maxare quepegue' yi 'laua Galilea.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Hechos 12:11

Ca' quiyi, ca qaiguemo' ỹa'den so Pedro, ca' 'naaco': —Nagui, ca' ỹaatqajam sa'den llic quiyim ñi ỹa'gaxala' nela'o' so lelaatec chicqashiguim quiyim ỹahotaque qayayit quiñi Herodes chaqai quená'ogue ná'maq sham 'ne'tegue aỹim na judioipi.

Hechos 12:7

Ca chi re'laqataxanto ỹoviro so chicqashiguim qota'a lelaatec. Ca' ñi ncoñiitaxanaxaqui richiitougui nqai'en. Ca' so nelaatec ipootau'a na lahi so Pedro, ca neloxotec, ca 'naapego': —Chaqa'ma' ne'laxachirishiguim. Ca' saua caréna nalaqachiriñi sauá'maq neetaguilo naua lqai'laqate' so Pedro.

Hechos 16:36

Ca' so neloxoỹaq cañi ncoñiitaxanaxaqui 'naapego' so Pablo: —'Ue da la'qaatec na nimiitaxanaq queca nasauaxaset quiyim sosoorec qamiri. Vichiguiño' nagui, ca noxoñiuec, qaicanqaida.

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

Hechos 7:19

Sojo nashi ỹayin so qouo', se ỹa'maxata'gue so 'auaxaic qareta'allipi, 'naapega quiyim ỹalat na llaalec chita'gue ne'qaañi, qaiyi chi nanoiquentac ileu.

Josué 3:13

Chaqai ná'maq netaxaỹaxanqajanqaipi quená'maq i'xateta añi lahite' naua laqataxaco ñí'maq la'gaxala' ná'ogue na qomyipi quena 'laua, ca ma' co'viri'ñigui naua lapiaate' na huaxaỹaq, ca' aso lachiugue shicchigui ma'le na huaxaỹaq, ná'maq chicqashi'mquera qaguiguit, nachajñi, sqai eec.

Josué 3:17

Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)

Apocalipsis 12:14

Qam aso 'aalo qoỹaanema saua dos late'el laua' na ho'ic, qaiyi ishit ỹo, taỹa yi chi loma' quiyi 'laua qaica qom, ca qoỹoqo'ta so 'ec nanaic. Ca' yí hua'ñi, ca chi qaiqui'ỹaxantac quesaua tres ñaxari chaqai so lavinñi so liỹa ñaaxa.

Apocalipsis 12:4

Ỹahote'e so lqai'it, ca' ỹauogolenta ana huaqajñi quena piguim, ca' najñi nqai'en añi 'óna quecaua tres, taalec nqai'en na 'laua. Ca' sojo isecỹac nachajñi, reloqoto'ot aso 'aalo sham co'o, ma' ỹahotaque quiyim ma' ne'qaañi so noctoqui', ca' chaqa'ma' ỹa'ic.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.