Mateo 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Jesús ne'xaỹoqsoqo' yi na'a' leenaxat Belén, huaugui yi 'laua Judea, co'na' so Herodes nashi quiyi'maxare. Ca ỹovirera'o' yi na'a' lodegaxat Jerusalén saua ỹale' chicqora'gue da lqodoigue. Saua'maxare ỹaatqajam ỹa'deene' retane' ana huaqajñi.

Mateo 2:1 Iomraidhean Croise

Génesis 10:30

Ca' neetalec yi 'laua chicqochi'ñi yi leenaxat Mesa, ca nqo'neetauec, chi ỹovireta'a yi Sefar. Quiyijo 'laua 'xoic ana quemaralec qa' ladocai pa'ỹa'gue da lqodoigue.

Génesis 25:6

Ca' so llaalqaipi so Abraham quesaua liỹa' loua' na' ñaq nca'leetauec so'maxare, ca' chi ỹa'ue na lame quiñi 'óna. Ca' so llaalqaipi ca'e nqai'en yí'maq neeta'ñi so llaalec Isaac, ilata yi 'laua pa'a'gue da lqodoigue.

Génesis 41:8

Qam co'na' richiguiñi, ca na' nete'etam queso liỹa na'xa'a tot ỹa'den ca 'neeta. Ca relaataxane'oga ná'ogue ná'maq idaanau'alo naua 'ueenataxaco chaqai na 'deenaxanqachaqaiquipi quiyi Egipto. Ca na' so Faraón ỹa'xat da 'neeta da le'guemataxac quesaua'maxare, qam qaica ca ishit ỹa'xat ca leloxoỹaxac.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

1 Reyes 4:30

Ca' na la'deenec so Salomón ỹaatqajam napacalec na la'deenec na na'ñi yi Egipto chaqai na na'gue da lqodoigue.

Job 1:3

chaqai siete mil aso lalo qagreta, chaqai tres mil aso nauaanaxanaxa late'e, chaqai mil so ledaxaqui ñii'lola, chaqai quinientos aso 'ashina, chaqai qai'neeta 'xoic so la'aquipi. So'maxare ỹaatqajam paguec nesallaxanec queda lqodoigue.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Mateo 1:25

Qam se naqajta' quiyim 'neetasa'lo caua noua'. Ta'to'o' na' ime co'o, ca ỹanegue leenaxat Jesús nqai'en so llaalec.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:19

Qam co'na' mashic ime ileu so Herodes, ca' so nelaatec quiñi qara'gaxala' piguim le'ec, ca lotqai liỹa nachaxana so José quiyi Egipto queso lelaxac. Ca 'naapego':

Mateo 2:3

Ca co'na' ỹa'den dajo so nashi Herodes, ca' tot ỹa'den ca 'neeta, chaqai qai'neeta ná'ogue na qomyipi na'ñi yi Jerusalén.

Mateo 2:5

Ca saua'maxare 'nerac: —Yi Belén hua'ñi ma' ne'qaañi, huaugui yi 'laua Judea, ma' so letaxaỹaxanqajnec ñi qota'a chaqaida 'ne'tegue na' ỹiriñi:

Mateo 2:7

Co'na'le, ca' so Herodes ỹaatqajam nañoxochichiguiñi roỹaxanalo saua 'deenaxanqachaqaqa. Ca inatete' quecá'maq viquio' na' re'oq aca huaqajñi.

Lucas 1:5

Co'na' so Herodes ñaq nashi, reloqota'a yi 'laua Judea, ca 'uo' so ỹale leenaxat Zacarías só'maq letaxaỹaxanqajnec na qomyipi quena' qaretaxaỹa'pegue' ñi qota'a. So'maxare ỹalequetaugui na netaxaỹaxanqajanqaipi chicqota'guit so Abías. Chaqai aso loua Elisabet, aso'maxare qai'neeta chi laual so netaxaỹaxanqajnec leenaxat Aarón.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 2:15

Ca so nelaatqaipi co'na' pilshiguim queda piguim, ca só'maq qagreta lo'ollipi retaqatecta', 'nerecta': —'Maxaraic qolaqpegue' yi Belén, sa'ajanaxanaxa chi negue' ca 'neeta dá'maq qaỹa'xatetac, dá'maq ỹa'xatema qomi' ñi qara'gaxala'.

Juan 7:42

Naua nerecse' la'qaatqa ñi qota'a ỹa'xate', quiyim cajo nashi nca'laxaqui, ca'maxare qohinac llaalec so nashi David, chaqai chicqochi'ñi yi Belén yí'maq la'a' na'le so David.