Mateo 19:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 19:29 Iomraidhean Croise

Eclesiastés 3:6

'Ue yi laloqo' quiyim 'ue ca 'deenaxac, chaqai 'ue yi laloqo' quiyim 'ue ca qoyique'e. 'Ue yi laloqo' quiyim na'maqataxanaxac, chaqai 'ue yi laloqo' quiyim 'ue ca qainaxauec.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 13:23

Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Mateo 13:8

Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Mateo 16:25

Ma' cá'maq ỹahotaque nca'laxatec dá'maq chi nachaalataxac, ca ca'maxare na'laxatañi. Qam cá'maq na'laxatañi da nachaalataxac sougui aỹim, ca' chaqaica cá'maq ỹanata da nachaalataxac.

Mateo 19:16

Ca 'uo' so ne'nec quepegue' so Jesús, ca renataxan, 'naaco': —Qami' huagaxaraic napaxaguinataxanaq, ¿nega'ỹo' cá'maq so'uet ỹa'maqachiguiñi, ca' 'ue ca ica'laxa sqaica lqodoc?

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Lucas 5:11

Ca co'na' mashic ỹaueguereta saua qom lahiri huaxaỹaqse, ca' ỹaatqajam qano'ueenaqtetaguilo, ca' quetegue so Jesús.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 15:19

Quetqai qamiri 'laua lase', ca ná'maq qomyipi hueetalec na 'laua nqo'talo qamiri, 'ne'tegue da lqo'iichi quená'maq lalamqateripi. Qam ỹim ñca'au'alo qamiri quená'maq qomyipi hueetalec na 'laua. Vichiguiño' na'maxare noquii'alo qamiri, ma' totqai qamiri lase' na 'laua.

Juan 4:36

Ca cá'maq raqataxantac ỹacoñiguit aca laseuete ca lo'ueenataxanaxac, qam ná'maq laqatec quená'maq naqatetac taỹaugui da nca'laxa sqaica lqodoc, qaiyi quecá'maq danaxan chaqai quecá'maq raqataxantac caua'que netoone'.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

3 Juan 1:7

Ma' na'maxare queetalec da llicyaxac ro'ueenataxantacot so Jesucristo, ca' sqaca aca icoñiguit caná'maq lotaanaxanqate ná'maq se iuanapega ñi qota'a.