Mateo 19:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' so Pedro 'naaco': —Qami' qara'gaxala', na' ñanaguinaxague qami' ño'ueenaxatqachiguiñi cá'ogue ca qarouenqaipi. ¿Nega'ỹo' cá'maq seconaxaguit ma'le?

Mateo 19:27 Iomraidhean Croise

Mateo 19:26

Ca' so Jesús ỹamatauguilo saua'maxare, ca 'naaco': —Na qomyipi se ishit ỹo'uet dajo. Qam ñi qota'olec ishit ỹo'uet dá'ogue.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Marcos 10:28

Co'na'le, ca' so Pedro 'naaco': —Qami' qara'gaxala', qomi' ỹaatqajam cá'ogue ca qarouenqaipi ño'ueenaqtaqatañi, ca ñanaguinaxague qami'.

Marcos 2:14

Ca co'na' eec, ca iuane'ta so Leví só'maq llaalec so Alfeo. Nqa'xantañi quiyi nishiuetenaxanqa' quena qomyipi quena' qaishiueten so nashi quiyi Roma. Ca 'naapego': —Quitegue aỹim. Ca' so Leví ne'laxashiguim, ca' quegue.

Lucas 14:33

'Eda da 'neeta quiyim 'ue cá caqamiri quiyim se ỹalat ná'ogue na louenqaipi, se ishit quiyim ỹapaxaguinatec.

Lucas 15:29

Qam so'maxare 'naaco' queso leta'a: “Qami' 'yiiñite' ỹoto'o' naua ñaxari quiyim so'ueenataxantacot qami', chaqai se ỹauana quiyim se ña'xaỹaxana qami'. Qam se ỹauanapega quiyim 'ue ca 'oonoqui' 'ỹaañitem aỹim quetaq llaalec, qaiyi so'uet ca iqui'ỹaxac, ca ñouanta'ai' na ñamigollipi.

Lucas 18:28

Ca' so Pedro 'naaco': —Qami' qara'gaxala', qomi' ño'ueenaxatqatañi cá'ogue ca qarouenqaipi, ca' ñanaguinaxague qami'.

Lucas 5:11

Ca co'na' mashic ỹaueguereta saua qom lahiri huaxaỹaqse, ca' ỹaatqajam qano'ueenaqtetaguilo, ca' quetegue so Jesús.

1 Corintios 1:29

qaiyi qaica cá'maq nemaqajantac quiyim ỹovira'a ñi'maxare.

1 Corintios 4:7

Ma' ¿negue' ca ỹapacqajnauec qami' quena liỹaripi? ¿Nega'ỹo' ca sqa chicqo'ot ñi qota'a quená'maq hueeto'ot qami'? Ca no'm ñi'maxare ỹaanem qami', ca ¿chi'negue ma' nemaqajñi'? Mashic 'eco' quená'maq vi'saxauot chigoqchiraugui ca chi ra'ñaxaqui'.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,