Mateo 19:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Mateo 19:21 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 19:20

Ca só'maq ne'nec 'naaco': —Ná'ogue najo ỹaatqajam ña'xaỹaxane'ta ipaquichigui nqaishin, sachigoxotetañi na' ñaq aỹim noctoqui'. ¿Negue' cá'maq liỹa saqa'leca caỹim?

Mateo 19:22

Qam co'na' so ne'nec 'xaỹa dajo, ca' eec rachicotam, ma' ỹaatqajam nesallaxanec so'maxare.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 4:19

Ca' so Jesús 'naaco' quesaua'maxare: —Naguigue aỹim, ca' ỹim so'uet quiyim qamiri noqoinaxana' ma'le quena qom.

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Mateo 8:22

Ca so Jesús 'naaco' queso'maxare: —Naquitegue aỹim, 'xañirac ná'maq 'ec leuaxaiquipi ñaq ishinñi na lasauaxanqaipi.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Marcos 10:21

Ca' so Jesús nqo'te'ta, ca ra'ỹo'ot. Ca 'naaco' queso'maxare: —Ỹaatqajam 'oonoqui' dá'maq saqa' 'viichi': mo'e', miiñi' ná'ogue na rovinqui', ca 'ỹaañirougui na 'xoraiquipi, ca' 'ue ma'le ca resallaxa'e' queda piguim. Ca ma' ime, ca naquitegue aỹim, 'eno'm rilliviralec aỹim.

Marcos 2:14

Ca co'na' eec, ca iuane'ta so Leví só'maq llaalec so Alfeo. Nqa'xantañi quiyi nishiuetenaxanqa' quena qomyipi quena' qaishiueten so nashi quiyi Roma. Ca 'naapego': —Quitegue aỹim. Ca' so Leví ne'laxashiguim, ca' quegue.

Marcos 8:34

Ca' so Jesús roỹaxanouguilo saua lapaxaguinatqa chaqai so qomyipi, ca 'naaco': —No'm 'ue ca ỹahotaque quegue aỹim, ca coua'e dá'maq chi no'ueenataxac. Ca' quelec aỹim, 'eno'm ỹovira'a quiyim na'laxatañi da nachaalataxac.

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 14:33

'Eda da 'neeta quiyim 'ue cá caqamiri quiyim se ỹalat ná'ogue na louenqaipi, se ishit quiyim ỹapaxaguinatec.

Lucas 16:9

Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 5:27

Ca co'na' ime dajo, ca' so Jesús inoxonec, ca iuanejlec so ỹaconta'piguit ana nishiuete so nashi quiyi Roma. So'maxare leenaxat Leví, ca' nqa'xantañi, neeta'ñi yi lishiuetenaxanqa' ná'maq rishiuetenaxantac. Ca' 'naapego', 'naaco': —Naquitegue aỹim.

Lucas 6:40

Qaica ca chi napaxaguinatec napacalec ca napaxaguinatqo'. Qam no'm ỹomateta cá'maq napaxaguinataxac, ca' vire'ta 'nejem ca napaxaguinatqo'.

Lucas 9:23

Ime, ca' 'naapega sá'ogue so qomyipi: —No'm 'ue ca ỹahotaque quegue aỹim, ca 'maxaraic quiyim coua'e da chi no'ueenataxac, ca' quegue aỹim naua'que naua na'xata', 'eno'chi na'laañi da nachaalataxac.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Hechos 2:45

'Uo' na imen na la'a' chaqai na louenqaipi, ca nasectaqchigui aca laseuete quecá'maq taachi'ñi ca louenaxanaxa ca 'óna.

Hebreos 10:34

Chaqai qamiri 'ue da re'xorenataxanaxahi quená'maq qaicoñiretari', chaqai vire'ta quiyim 'ue da netoonaxaguii quiyim na'ñaxachiiguit quiyim qarouootaxanegue ca roviñiguii, ma' qamiri 'yiiñita quiyim 'ue ca hueeta'gue da piguim roviñiguii paguec loyac chaqai sqaica lqodoc.