Mateo 19:13 - La'qaatqa ñi qota'olec Qota'olec & Qota'olec Novita Na Qomyipi

¹³ Co'na'le, ca 'vio' saua ñaaqolqai' qanaueguereu'a so Jesús quiyim ỹashil-lgoto chaqai nqouagaxainlgoto. Qam saua lapaxaguinatqa quepaqteta'pe saua nauecqataxana'.

Mateo 19:13 Iomraidhean Croise

Génesis 48:1

Ca' quesaua liỹa' na'xata', ca 'uo' so la'xaỹaxac so José quiyim so leta'a ralola. Co'na'le, ca' so José eec ra'ajnaxana, ỹauegue' saua dos llaalqa Manasés chaqai so Efraín.

Mateo 16:22

Co'na'le, ca' so Pedro ỹauegue'oguiyi so Jesús, ỹoỹootetec. Ca 'naaco': —¡Ñi qota'olec qaica ma' ỹovira'guit quet nqai'en qami' dajo, qami' ỹa'gaxala'!

Mateo 19:12

Ma' ỹoreta'oguit ná'maq no'ueenataxac quiyim sqai 'on ca qom. Ma' 'ue ná'maq naca'ogue' se co'o, chaqai 'ue na chi qaỹo'uet queca qom quiyim se co'o, chaqai na liỹa, ca' sqai 'on ma' imelec da lo'ueenataxanaxac ñi qota'a neeta'gue da piguim. Ca' vichiguiño' cá'maq ishit ỹo'uet dá'maq sa'xatetac, ca 'maxaraic quiyim ỹo'uet.

Mateo 20:31

Ca' so qomyipi 'naapegalo' quiyim i'marete'. Qam saua'maxare lama'xa paguec netenegue da laualaxague': —¡Qami' qara'gaxala', qami' llaalec so qarashi David, qare'xoriñi'!

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.

1 Corintios 7:14

Ma' no'm cá'maq ỹale saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit aca loua mashic icoñiguit da na'qaatec. Chaqai aca 'aalo no'm saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit ca loua mashic icoñiguit da na'qaatec. Qam no'm mesqaida, ca caua qachaalaxahi 'nejme' quet ca llaalqa ca saqa' icoñiguit da na'qaatec. Qalaxam nagui chaqaida dá'maq quiyim qaỹa'maxarente' quiñi qota'a.

1 Samuel 1:24

Ca co'na' ỹaxanñi da lillipaxac co'na' ñaqai cocho'qui', ca ỹauegueu'a añi no'ueenaxanaxaqui quiñi qara'gaxala' na'ñi yi Silo. Qai'neeta ỹauegue' saua tres huaqui llaalqa, chaqai veintidos kilo so trigo, chaqai aso 'óna loshicmaxa no'qaachigui quena lataxa.