Mateo 18:9 - La'qaatqa ñi qota'olec Qota'olec & Qota'olec Novita Na Qomyipi

⁹ Chaqai no'm añi nqochi'i' ñí'maq chicqochigui quiyim 'ue ca rasauaxashichi', ca' naqachi' naqairec qoỹoqo'tegue nqai'ñi'. Ma' paguec la'maxa quiyim noxoñira'a da nca'laxa 'oono'lli' aca nqochi'i', qam mesqai quiyim nalo'ojta' naua nqochichi', ca' qarenaqairiñigui ca ncopatqo' na hualoxonyipi.

Mateo 18:9 Iomraidhean Croise

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?

Mateo 18:8

Ca' vichiguiño' no'm da rqai'laxachi' loqo'm da qapiaachi' chicqochigui quiyim 'ue ca rasauaxashichi', ca' chaqairec, ca naqairec, qoỹoqote'oga nqai'ñi'. Ma' paguec la'maxa quiyim noxoñira'a da nca'laxa 'oonoqui' da rqai'laxachi' loqo'm qami' chisaq, qam quiyim se qarenaqairiñigui ca norec sqaica lqodoc quiyim naua'que naua rqai'laqachichi' chaqai naloochiriñi naua richilli'.

Mateo 19:17

Ca' so Jesús 'naaco': —¿Chi'negue ma' machirahic huagaxaraic? Qaica quet cá'maq liỹa, 'oonoqui' ñí'maq huagaxaraic, ca ñi'maxare chaqaiñi ñi qota'olec. Qam no'm vi'saque vichirau'a da nca'laxa, ca' ỹaatqajam na'xaỹaxañitalo naua lelaataxanaxaco ñi'maxare.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 5:29

Ca no'm añi nqochi'i' pa'a'gue da qatoiqui' ỹaueca'guit qami' ca nasauaxaset, naqachi', ca' naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai 'nejem quiyim ná'ogue na roshicmaxa'e' qainaxañigui ca ncopatqo' na hualoxonyipi.

Marcos 9:47

Chaqai no'm añi nqochi'i' ñí'maq 'em quiyim 'ue ca rasauaxashichi', ca naqachi'. Ma' paguec la'maxa quiyim qami' qotesaq, qam noxoñira'a ca lo'ueenataxanaxac ñi qota'olec ma' ỹoiquentac ná'ogue najo, mesqai 'nejem quiyim nalo'ojta' naua nqochichi', qam qarenaqairiñigui queca ncopatoqo' na sauaqhuaiquipi,

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.