Mateo 18:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

Mateo 18:7 Iomraidhean Croise

Génesis 13:7

Ma' só'maq neloxoỹaripi caso lalo so Abram nco'uaate'e' só'maq reloqota'a aso lalo so Lot. Chaqai quesauajo na'xata' ñaqai neetalec yijo 'laua so cananeoipi chaqai so ferezeoipi.

2 Samuel 12:14

Qam qami', ma' ỹaatqajam 'ooqochichi' ñi qara'gaxala' quedá'maq 'ñitetegue, ca ñí'maq dalaxaic ne'qaañi qachaalqui', ñi'maxare ileu ma'le.

Mateo 16:23

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.

Mateo 26:24

Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Marcos 13:7

Qam noma' 'ue ca ra'xaỹaxaguii queca lauataq quenajo, chaqai quedajo totaxan ro'chii, ma' chaqaida 'neeta ma'le; qam saqa' novi' cá'maq nqodoc.

Lucas 17:1

So Jesús 'naaco' queso lapaxaguinatqaipi: —Aỹim ỹaatqajam sa'deenta quiyim sqoue ca 'em quena qom 'ue ca lasauaxaset; qam ¡'xoic le'xoric ca qom quiyim 'ue nqai'en ca lasauaxaset ca liỹa!

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Hechos 1:16

—Qamiri ỹaqaỹa', nagui ỹovita quiyim qaipacqajanchiguilo naua nerecse' hueetaugui yi la'qaatec, so Espíritu Santo co'na' ỹa'qaataxanaxan so nashi David queda 'neeta so Judas. Ma' chaqaiso só'maq ỹauec na'le so coñi' so Jesús.

1 Corintios 11:19

Qam ¡quedajo sqaica roqollictaxan, ma' ỹouen quiyim neuagaxachiỹac ỹoreta'oguit na quiilec qom, qaiyi re'oq cá'maq ỹaatqajam huelec da na'qaatec!

1 Timoteo 6:1

Quená'maq nelaatqaipi se ishit quiyim se na'xaỹaxana ca na'co', qaiyi qaica ca qaỹa'xat se no'uen queda leenaxat ñi qota'a chaqai quedá'maq sapaxaguinataxanqata'pegue.

Tito 2:5

quiyim ỹaatqajam na'maxateta, chaqai co'teeta, chaqai cochiỹa ca lomashaxac, qouagaxanqachaqai, na'xaỹaxane'ta ca loua, qaiyi qaica ca se no'uen na'qaataxac taalec nqohin da la'qaatec ñi qota'a.

Tito 2:8

Chaqai da rapaxaguinataxanaxaqui' ỹaatqajam lo'yaxanec nqai'ñi', qaiyi qaica ca na'qaatec se no'uen qaỹa'xatetac. Ta'ta'a quiyim nayiloxon nqai'en cá'maq pa'guenaxantac, ma' se ishit quiyim 'ue ca la'qaatec se ỹa'maxañi taalgoto nqai'ne' qamiri.

Judas 1:4

Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.

1 Samuel 2:17

Ca' chaqaida 'neeta, ca' da lasauaxaset na ne'naqaipi quiñi qara'gaxala' ỹaatqajam chalego lecaic, ma' se ỹa'maxata'gue aná'maq nachitaxanataxanqate lalamaxarete ñi qara'gaxala'.