Mateo 18:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca co'na' iuanchigui dajo só'maq liỹa lo'ueenataxanaxauaripi, ca' 'xoic lqui'ic nqai'en dajo. Ca' querepegue' so na'coote', ra'qaataxanta quedá'ogue dá'maq 'neeta dajo.

Mateo 18:31 Iomraidhean Croise

Génesis 37:2

Ca' dajo dá'maq na'qaataxac só'maq llaalqaipi so Jacob. Ca co'na' mashic ne'nec so José na' mashic ỹovite' saua diecisiete ñaxari, ca' reloqota'a ana qagreta, liỹareta'pe saua lqaỹa' saua llaalqa aso Bilha chaqai aso Zilpa sauá'maq chi leloxoỹaxanata so leta'a. Ca' so José ra'qaataxanem so leta'a quiyim ỹaatqajam se no'uen da no'ueenataxague' saua lqaỹa'.

Mateo 14:9

Ca' so nashi Herodes ỹaatqajam 'ue da lachicoxo. Qam mashic ỹaanec da la'qaatec, ca' ipacqajanchigui, chaqai quiyim só'maq lqui'ỹaxauaripi 'qaachigui so'maxare, ca' relaataxanlec quiyim qoỹaanem só'maq roỹaxantaque aso'maxare.

Mateo 18:28

Qam co'na' chi inoxonec sojo nelaatec, ca nachiñi'chiguit so liỹa nelaatec lo'ueenataxanaxaua 'uo' aso la'uallo'lli' queso'maxare. Ca nqosoxone'tot na lqosot, ca ỹovicqoto'ot, ca 'naaco': “¡Shivichiñi' aca ra'ualli'i' caỹim!”

Mateo 18:30

Qam sojo nelaatec se na'xaỹaxan. Ta'ta'a quiyim eec, ca' coñi', chi ỹovireta'a quiyim ishiueten sá'ogue aso la'uale.

Mateo 18:32

Ca só'maq 'co' roỹaxane'oga. Ca 'naaco' queso'maxare: “¡Qami' ilaatec hualoxonaq! Ỹim sapalaxat cá'ogue aca ra'ualli'i', ma' ỹaatqajam ne'xorishiñitetot aỹim.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Lucas 14:21

Qam co'na' rapil so nelaatec, ca' ra'qaataxanem dá'ogue dajo só'maq na'co'. Ca só'maq na'co' ro'o. Ca 'naapego' so lelaatec: “Mo'e', quiteguelo naua nayico chaqai naua nayicolqai' quenajo na'a'. Ime, ca naviquiro ma'le na 'xoraiquipi chaqai na tot qaica ca 'negue chaqai na ni'iraho naua lichil, chaqai na qai'laqaipi.”

Lucas 19:41

Ca co'na' ipalatau'a yi na'a' lodegaxat Jerusalén, ca co'na' iuana yi'maxare, ca' so'maxare noỹenlec.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

2 Corintios 11:21

'Eno'm 'ue da ỹayiloxo quiyim sa'xat dajo, qam ¡qaica ca qarquesaxanaxa quiyim shinqa'teguelo qamiri dajo! Qam quecá'maq liỹa quiyim ishit ỹo'uet, ca' ỹim liỹa, 'eno'm quedá'maq ỹa'qaatec 'ec hualoxonqaishic.

Hebreos 13:17

Ỹaatqajam na'xaỹaxañitalo naua ra'gaxalachiri, chaqai nañaañiỹoto naua'maxare; ma' chaqainaua nauá'maq reloqota'alo da nachaalataxaguii, chaqai chaqainaua nauá'maq 'ue ca na'xa'a, ca' qainate' quiñi qota'a. Nquipichiỹa'pegue' quiyim 'maxaraic da lo'ueenataxanaxac chaqai se resallii, ma' no'm sqai 'neeta dajo, ca' qaica quet cá'maq 'ñiigue qamiri.

Hebreos 13:3

Chaqai 'neeto' couahi'e na ncoñiitecseripi, 'ñiita'gue quiyim 'ec ncoñiitaxauahi. 'Yiiñitapega ná'maq se qaỹa'maxata'gue, ma' qamiri qai'neeta 'ue na roshicmaxahi ishit ỹovirau'a ca le'xoric.