Mateo 18:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Qam co'na' chi inoxonec sojo nelaatec, ca nachiñi'chiguit so liỹa nelaatec lo'ueenataxanaxaua 'uo' aso la'uallo'lli' queso'maxare. Ca nqosoxone'tot na lqosot, ca ỹovicqoto'ot, ca 'naaco': “¡Shivichiñi' aca ra'ualli'i' caỹim!”

Mateo 18:28 Iomraidhean Croise

Nehemías 5:7

Ca na' ime quiyim sa'deenataxantac quedajo, ca' shinac queso nemaqajnatqaipi chaqai queso nashillipi sauaxat quiyim se ỹala'gue añí'maq ishiuetentac nqai'en só'maq chi lauo' laseripi. Ca' quiyi, ca soỹaxanougui sá'ogue so qomyipi, ca so'uet so lapoxoc quiyim qaretaxaỹapigui dá'maq qohintari'.

Isaías 58:3

Qam quena'le, ca 'naac: ¿Negue' quet cá'maq 'negue quiyim ñqopaaqachit? ma' ñi qota'olec se iuanalo qomi'. ¿Negue' quet cá'maq 'neeta quiyim qareuogoq? ma' ñi'maxare se retane' qomi'. Só'maq na'xa'a nqopaaqataxaguii remiilec da nemeenaxaguii chaqai quiyim chiitegueñi na 'ueenataxanaxairipi;

Mateo 18:27

Ca' so na'co' ỹaatqajam 'ue da le'xorenataxanaxa queso'maxare. Ca' ỹapalaxat sá'ogue aso la'uale so'maxare, ca' ỹaxanec.

Mateo 18:29

Ca só'maq lo'ueenataxanaxaua so'maxare ỹa'chi'iñi naua le'cootal, ne'xoresene'tot, 'naaco': “Neualaxaviñire'e' aỹim, ca vire'to' ma' seshiueten cá'ogue aca ỹa'uale.”

Mateo 20:2

Ca so'maxare na'deena'pegue' so 'ueenataxanaxairipi quiyim ishiueten aso 'óna denario quiyi na'xa'a. Ime, ca' ilare'oga so lanaxanqa' quiyim ro'ueenataxan.

Marcos 14:5

Ma' so'maxare ishit qaimen trescientos denarios nqohin aca laseuete, ca qaỹotauan na 'xoraiquipi. Ca ỹaatqajam qaro'ỹa aso 'aalo.

Marcos 6:37

Qam so Jesús 'naaco' quesaua'maxare: —Qamiri 'ỹaañim ca loq na'maxare. Ca saua'maxare 'neraco': —¿Qa' seshitaq quet seshiujnaxanqaque ca doscientos denarios queca na'ic quiyim squi'ỹaxanaq ná'maq qomyipi?

Lucas 10:35

Ca' queso liỹa na'xa'a, co'na' mashic reloqouec quiyim liỹa eec so Samaria le'ec, ca' naviquishiguim saua dos lishiuetenaxanqate, ca ỹaanem só'maq la'a' yi nanatqa'. Ca 'naapega: “Loqoira'a ma'le najo ỹale. Ca no'm 'ue aca ỹa'ỹaauec la'uale, ca' seshiueten ma' yapil.”

Lucas 7:41

Ca' so Jesús 'naaco': —'Vio' saua dos ỹale' 'uo' aso la'uale' hueeto'ot so na'ualaxanaxala'. So 'óna quesaua'maxare ỹovi' quinientos denarios aso la'uale, qam so liỹa ỹovi' cincuenta.

Juan 6:7

Ca so Felipe 'naaco': —Quiyim doscientos aca denarios, ca' qarishiujnaxanaque ca pan, qam qayiita se nalouec, 'eno'm cocho'qui'tac nqohin ca loq quiñi 'óna.

Deuteronomio 15:2

Ca' da leloxoỹaxac quiyim tot qano'la cá'maq 'ue aca la'uale 'neetasa': Ná'ogue na qom quiyim ỹa'ualaxanaxan ca la'aayaxaua, ca' ỹapalaxat aca la'uale. Ca' tot repaquira'a quiyim ishiueten aca la'uale ca riỹa'e', loqo'm ca ra'aayaxaua'e', ma' cajo ñaaxa viichigui quiyim qaỹapalaxat aca na'uale, ca' qaimaqachin ñi qara'gaxala'.