Mateo 18:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na' mashic naloqochintac ana na'uale, ca qanauequetaho' so 'óna ỹaatqajam 'xoic aso la'uale.

Mateo 18:24 Iomraidhean Croise

Génesis 44:10

Ca' só'maq neloxoỹaq quiyi na'a' 'naaco': —Hua', ca chaqaida dá'maq 'ñiỹac qohine'tegue ma'le. Qam qaicaata cá'maq hueeto'ot aca 'taxaqui, ca' chaqaica ỹa'ac ma'le. Ca ná'maq liỹaripi, ca' qaica ca lasauaxaset.

Esdras 9:6

Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Mateo 18:23

Ca' vichiguiño' dajo lo'ueenataxanaxac ñi qota'a neeta'gue da piguim 'nejem ca nashi quiyim ỹahotaque naloqochin aca la'uale ca lelaatqaipi.

Mateo 18:25

Ca ma' só'maq nelaatec qaca quet acá'maq lishiuetenaxanqate, ca' so na'co' relaataxanlec quiyim qaimen, ca' chi na'ac, liỹaata'ogue' aso loua chaqai so llaalqaipi, chaqai sá'ogue so louenqaipi, qaiyi ishiueten aca la'uale.

Mateo 25:15

Ca' so 'óna quesaua'maxare ỹaanem aso cinco mil, ca' so liỹa ỹaanem aso dos mil, chaqai so liỹa ỹaanem aso mil. So'maxare ỹaanem acá'maq naloote'e' quiñi 'óna. Ime, ca' eec.

Mateo 25:16

Só'maq nelaatec icoñiguit aso cinco mil, ca so'maxare ro'ueenataxañigui. Ca' sojo nam ỹovi' cinco mil aso liỹa lauegue.

Mateo 25:20

'Au ỹoviro' só'maq icoñiguit aso cinco mil, ca ỹaanemo' so na'co' so liỹa cinco mil. Ca 'naaco': “Qami' ña'co', nañaañi' aca cinco mil, ca nagui 'ana ana liỹa cinco mil ỹauegue.”

Mateo 25:22

Ime, ca lotqai noviro só'maq qoỹaanemo' na'le aca dos mil. Ca 'naaco': “Qami' ña'co', nañaañi' na'le aso dos mil, ca nagui 'ana ana liỹa dos mil ỹauegue.”

Mateo 25:24

Qam na' noviro só'maq nelaatec icoñiguito' na'le aso mil. Ca 'naaco' queso na'co': “Qami' ña'co', ỹim sa'den quiyim qami' ỹale se ileuapigui qavilli' quiyim naqachi' ana la ca sqa dañicshiqui', chaqai quiyim lapooñi' cá'maq sqaica ca miichirelec.

Lucas 13:4

Loqo'm 'ñiitapega quesaua dieciocho qaipataqarañi co'na' 'guiñi aso naue na'ñi yi Siloé, ¿peeta'a 'ñiitapega paguec sauaqhuaiquipi quená'ogue na neeta'ñi yi Jerusalén?

Lucas 16:5

Ca roỹaxane'oga 'onatac nqai'en quesó'maq no'ueenaho la'uale queso na'co'. Ca só'maq 'au ỹoviro inat, 'naaco': “¿Ỹote' aca ra'ualli'i' queso ña'co'?”

Lucas 16:7

Ime, lotqai inat so liỹa, 'naac: “Qam qami' ¿ỹote' aca ra'ualli'i'?” Ca so'maxare 'naaco': “Cien naloqojnaxaqui na trigo.” Ca só'maq neloxoỹaq queso na'a' 'naaco': “'Ana na ra'ualli'i' lomalate; 'chiriñi aca ochenta.”