Mateo 18:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ No'm ca rqaỹa'e' 'ue ca se ỹa'maxañi 'ne'tegue caqami', ca' taqaira'pegue', roda'ichichiguit, ca' 'deenaxanaxañitegue cá'maq ỹo'maqajantac. Ca no'm na'xaỹaxana qami', ca' raviguiqui' ca rqaỹa'e' quiyim rapil.

Mateo 18:15 Iomraidhean Croise

Levítico 19:17

'Neeto' hueetagui nqai'ñi' añi re'taxanata'e' ca qavilli' queca rqaỹa'e'. Ta'ta'a quiyim 'ue canchaqaica, ca' taqaita ca rqaỹa'e'. 'Neeto' lliquirau'a ca lasauaxaset.

Mateo 18:14

Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Mateo 18:21

Ca' so Pedro quepegue' so Jesús, ca' inat: —Qami' ỹa'gaxala', ¿ỹote' quet, ca' lqodoc quiyim ỹo'uet ca se ỹa'maxañi ca ỹaqaỹa, quiyim sqa shicapeguem sietolqai'?

Mateo 18:35

Ca' so Jesús co'na' ỹomat da la'qaatec, ca 'naaco': —Ñi ita'a qota'olec neeta'gue da piguim chaqaida 'ne'tegue ma'le caqamiri, no'm quiñi 'óna se ỹachigoxochichigui añi le'taxanata quiyim i'xoren ca lqaỹa.

Romanos 12:21

'Neeto' lotqai nañaañichichiguit quiyim sham qami' loxonec na se no'uen, ta'ta'a quiyim qadoxonqui' na se no'uen, qam do'isa'a ná'maq no'uen.

1 Corintios 8:12

Ca no'm qamiri sauaxachii ca rqaỹahi saqa' ra'ñi ca lpi'ỹaxac, ca pa'aiuo 'ue ca rasauaxashichii queso Cristo.

2 Corintios 7:12

Ma' na' seretegueñi aso ilaata, mesqai hueetapigui iuel cá'maq qom ỹo'ueetetac ca se no'uen, loqo'm quecá'maq 'ue ca qohine'tegue. Ta'ta'a quiyim qamiri retañii quiyim ỹaatqajam 'ue da reuogoxohi coqomi', qam dajo ỹa'deenta ñi qota'a.

Gálatas 6:1

Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.

2 Tesalonicenses 3:15

Qam sqai 'ñiita'gue ca npa'guenaxauahi, ta'ta'a quiyim qachiỹa 'maxachii'tegue, 'ñiita'gue ca rqaỹahi.

Tito 3:10

No'm 'ue ca se neuojonta' nqai'en ná'maq mashic icoñiguit da na'qaatec, ca' ỹaatqajam taqaira'a ca'maxare. Ca no'm se na'xaỹaxana qami' quiyim 'óna loqo'm dos 'ñirapega, ca' chaqa'ma' ỹochire'oga.

1 Pedro 3:1

Qamiri 'aallipi qai'neeta, caná'maq mashic 'ue na loua, ỹaatqajam 'maxachii'teguelo naua rouari, qaiyi no'm 'ue ca sqai huelec da na'qaatec ishit quiyim huelec quedá'maq chi ra'maqataxanaxaguii, se ipaquetaque quiyim 'ue ca qaỹa'xat,