Mateo 18:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Mateo 18:14 Iomraidhean Croise

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Mateo 18:13

Chaqai no'm ỹanata aca 'oono'lli', ca ca'maxare ỹaatqajam paguec 'xoic da netoonaxac quecauá'maq noventa y nueve qagreta se na'lerañi.

Mateo 18:15

No'm ca rqaỹa'e' 'ue ca se ỹa'maxañi 'ne'tegue caqami', ca' taqaira'pegue', roda'ichichiguit, ca' 'deenaxanaxañitegue cá'maq ỹo'maqajantac. Ca no'm na'xaỹaxana qami', ca' raviguiqui' ca rqaỹa'e' quiyim rapil.

Mateo 5:16

Ca' chaqaida 'neeta nqai'ñii da no'ueenataxaguii, ỹaatqajam ỹaviquetauguilo nqai'ñii' naua rcoỹeraxanaxaquillii, qaiyi coỹarelec na qomyipi, qaiyi na'maxare iuana ma'le dá'maq 'viichitac ỹa'maqachiguiñi, qaiyi na'maxare imaqachin ma'le ñi qota'olec ñí'maq viilec neeto'ot na piguim.

Mateo 6:32

Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Juan 21:15

Ca co'na' ime so lqui'ỹaxague', ca' so Jesús inato' so Simón Pedro: —Qami' Shimoñi', qami' llaalec so Jonás, ¿paguec rqo'chita aỹim quenauajo? Ca' so Pedro 'naaco': —Ajá'a, qami' ỹa'gaxala', qami' 'yiiñi' quiyim yqo'chiraxaua'. Ca 'naaco' so Jesús: —Cha'regue quelollita na ilo qagreta llaalqaipi.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

Hebreos 12:13

chaqai daañiỹaque so nayic ỹalamqata, qaiyi imeuec cá'maq nipia' se ra'ñiigue chaqai tot liỹa namaqatari'.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.