Mateo 18:12 - La'qaatqa ñi qota'olec Qota'olec & Qota'olec Novita Na Qomyipi

¹² ¿Negue' cá'maq 'ñiỹac? No'm 'ue ca qom cien aca lalo qagreta, ca' 'óna aca na'laañi, ¿peeta'a se ishito' no'ueenaqtalec aca 'laua quemaralec ladocai aca noventa y nueve, ca' eec imitaque aca ỹo'maac 'oono'lli'?

Mateo 18:12 Iomraidhean Croise

1 Reyes 21:17

Ca' ñi qota'olec lotqai 'naaco' queso Elías só'maq na'ñi yi Tisbe:

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Ezequiel 34:12

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Ezequiel 34:28

Ná'maq ỹoqa'a qomyipi tot npa'xanlec ana'maxare, chaqai tot qaretoxoñigui queca toxonaxai. I'maqajlem, tot qaica ca qo'ỹoqochit.

Ezequiel 34:4

Qamiri sqo tauañii ana ỹolaaueta qagreta, chaqai se natariñii aná'maq 'ue na ralolaxa, chaqai sqa vii ca laxa' aná'maq qac na lichi, chaqai se rapilaxachiuo aná'maq ỹo'maauec, chaqai sqai daañiỹaque aná'maq na'laañi, ta'ta'a quiyim sqa 'maxachiỹa'gue chaqai 'ue da rqa'viiguii.

Ezequiel 34:6

Neuagaxajlgoto naua'que naua qari ladocahi chaqai naua quemaralgoto, ỹo'meetajlec quená'ogue na 'laua, chaqai qaica ma' 'ue quet ca hueetapigui lauel quiyim idaanaque.

Mateo 12:11

Ca' so Jesús 'naaco' quesaua'maxare: —¿Nega'ỹo'ca caqamiri, no'm 'ue aca lalo qagreta ilamqa'ñigui aca ni'ỹa queca na'xa'a co'mataxaqui, mesqai quepegue', ca' naqajshiguim?

Mateo 18:13

Chaqai no'm ỹanata aca 'oono'lli', ca ca'maxare ỹaatqajam paguec 'xoic da netoonaxac quecauá'maq noventa y nueve qagreta se na'lerañi.

Mateo 21:28

Ca' so Jesús 'naaco': —¿Negue' cá'maq 'neeta ca ra'deenataxanaxaguii quedajo sa'xat? 'Neetasa': 'Óno' so ỹale dooso' saua llaalqa. Ca 'óno' so 'naapega quesaua'maxare: “Qami' ỹaalec, qui' nagui qataxañi' cayi ỹanecse 'úva.”

Mateo 22:42

ca' so Jesús renataxano', 'naaco': —¿Negue' cá'maq 'neeta ca ra'deenataxanaxaguii quecá'maq nashi nca'laxaqui? ¿Negue' llaalec ca'maxare? Ca' so fariseoipi 'naaco': —Llaalec so qarashi David.

1 Corintios 10:15

Dajo itaxaỹaxac caqamiri shiñitaxaric quiyim qamiri 'deenaxanqachaqaiquipi, chaqai qamiri shichii quiyim nimichiguit da shinac.

1 Pedro 2:25

Ma' qamiri quesom 'ñiitari' aca qagreta ỹo'meetajlec, qam nagui, ca' pilliỹot so Cristo só'maq ỹa'den netela'alo qamiri, 'neetari' ca neloxoỹaq cana qagreta, chaqai reloqota'a da nachaalataxaguii.