Mateo 18:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:10 Iomraidhean Croise

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Ester 1:14

Ca' queso qomyipi sauá'maq paguec na'deenaxaua' so nashi, saua Carsena, Setar, Admata, Tarsis, Meres, Marsena chaqai so Memucán, siete saua ỹaatqajam na'gaxalate' quiyi Persia chaqai yi Media, chaqaisaua saua lotaua' quiyim ỹahotaque da lo'ueenataxanaxac so nashi.

Salmos 15:4

cá'maq se nqo'ta ra'ỹa'a cá'maq se qanqo'chiguit, qam imaqachin cá'maq imaqachin ñi qara'gaxala'; cá'maq ipacqajanchigui ca la'qaatec, 'eno'm se ỹa'maxañi ca 'neetari';

Salmos 91:11

ma' ñi'maxare ila' ma'le na lelaatqaipi piguim laseripi, ca na'maxare reloqota'a qami' quecanchaqai vi'sa'gue.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 12:20

Chaqai vire'ta se ỹaqaguit aca noqola late'e quiyim namaxagui, chaqai se ỹo'mat ca ncoỹeraxanaxat quiyim chi nichitashiguim, chi ỹovireta'a quiyim ỹa'yiñi dá'maq ỹa'maqachiguiñi lo'ueenataxanaxac.

Mateo 18:14

Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Mateo 18:6

Ca' canchaqaica quiyim ỹo'uet ca chicqochigui ca lasauaxaset ca 'óna quená'maq 'ec qaica ca lemaqachic huelec aỹim, ca' paguec la'maxa queca'maxare quiyim qainaxañigui na lavinñi aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Mateo 2:13

Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Mateo 2:19

Qam co'na' mashic ime ileu so Herodes, ca' so nelaatec quiñi qara'gaxala' piguim le'ec, ca lotqai liỹa nachaxana so José quiyi Egipto queso lelaxac. Ca 'naapego':

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Lucas 1:19

Ca' so nelaatec 'naaco': —Aỹim chaqaỹim Gabriel, ma' sento'ot ñi qota'olec. Ca' ñi'maxare nela' aỹim quiyim setaxaỹa'pegue' qami' quiyim sa'xatem qami' da no'uen ra'xaỹaxaqui'.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Lucas 16:22

Ca 'uo' so na'xa'a, ca' sojo 'xoraic ileu. Ca' anac na lelaatqaipi piguim laseripi ñi qota'a, ca' ỹaueguegue da piguim cá'maq neeta'ñi so Abraham. Ca' so nesallaxanec qai'neeta ileu. Ca' qaishinñi.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 12:15

Ca' qohinapego' aso'maxare: —¡Ỹaatqajam qami' hualoxonaxa! Qam aso'maxare ỹaatqajam i'taxatetegueñi quiyim llic. Qam saua'maxare 'neraco': —¡'E', mesqaida; chi lqui'ỹo' ca nachaxan!

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Hechos 27:23

Ma' squepe nachaxana ỹim so chicqashiguim qanela' quiñí'maq sento'ot qota'olec, chaqai so'ueetetac da lelaataxanaxac.

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

Romanos 14:10

Qam qami', ¿chi'negue ma' qui'seguelec ca rpi'ỹaxaua'e'? loqo'm ¿chi'negue ma' sqai coñichiguit? Ma' qomá'ogue ñachaataxau'a ma'le so Cristo quiyim imite' qomi'.

Romanos 14:21

'Maxaraic quiyim se qaỹa'ic ca la'at, chaqai quiyim se qani'chigui ca lataxa, chaqai quiyim sqaica ca qaỹo'uet quiyim huaañi ca qarpi'ỹaxaua, loqo'm chicqochigui ca lasauaxaset, loqo'm quiyim ra'lliiñi nqohin ca lpi'ỹaxac.

Romanos 15:1

Ca qomi' ma' mashic ra'ñi da qarpi'ỹaxac, ca' seconaxaguit quecá'maq 'neetari' ca qarqaỹa saqa' ra'ñi ca lpi'ỹaxac, mesqai chi ñimaqachinqateguelta'.

1 Corintios 11:22

¿Qaico' ca ra'aari quiyim se rqui'ỹaaqari chaqai ne'taqari? Ca' quedajo, ca' qaica ca viỹaque ná'maq mashic huelec ñi qota'a chaqai viitaque layiloxo ná'maq sqaica nqaiyi. Ca ¿nega'ỹo' ca shinac caqamiri? ¿Semaqachine' qamiri? ¡Quedajo 'e'!

1 Corintios 16:11

Vichiguiño' 'maxaraic quiyim qaica ca liỹoqa'piguit ca'maxare. Ta'ta'a quiyim otauañii queda llicyaxac, qaiyi qaicanqaida, ma' ỹim ñauaantaque ma' liỹareta'pe caua liỹa' qarqaỹa', qaiyi ñauañiguita.

1 Corintios 9:22

Chaqai quena' salequetaugui na saqa' ra'ñi da lpi'ỹaxac, lotqai sadenaxat quiyim 'eco' ra'lliitam da ipi'ỹaxac, ma' sahotaque quiyim ñauec qai'neeta na'maxare. Dá'maq 'neeta quiyim canchaqaica, qam sadenaxat, sha'apiguito' quecá'maq canchaqaica 'neeta, qam 'ue ca ỹigo quiyim 'ue ca nca'leuec.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

Gálatas 6:1

Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

1 Timoteo 4:12

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 9:24

Ma' so Cristo se inoxonougui aca no'ueenaxanaxaqui lo'ueenata ca chaqai qom, ma' so'maxare chi lqui'i acá'maq ỹaatqajam no'ueenaxanaxaqui. Ta'ta'a quiyim ỹaatqajam inoxonot na piguim, ca' nagui, ca inoxona'a ñi qota'a quiyim retaqalgoto qomi'.

Apocalipsis 8:2

Ca na' ime, ca seuane'talo saua siete nelaatqa piguim lase', nachaatesañi, reloqoso'ot ñi qota'a. Ca saua'maxare qoỹaanema saua siete npe'tel.