Mateo 17:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Mateo 17:9 Iomraidhean Croise

Mateo 12:16

Chaqai 'naapega quiyim se ỹa'xat negue' so'maxare.

Mateo 17:12

Qam ỹim shinac caqamiri quiyim so Elías shi'gue novi'. Qam naua'maxare se ỹa'deene', ta'ta'a quiyim ỹoiquentac so'maxare quecanchaqai sham 'neeta'gue. Ca' chaqaida 'neeta ma'le quenajo ỹale llaalec 'xoic nqohin ca le'xoric ma'le quenaua'maxare.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 17:22

Ca co'na' ñaq nauequetecta' ỹouoxonsac yi 'laua Galilea, ca' so Jesús 'naaco' quesaua lapaxaguinatqa: —Najo ỹale llaalec qoỹaanougui na qomyipi,

Mateo 17:23

ca' qaỹalauat ma'le. Qam ma' inoxondec caua tres na'xata', ca lotqai liỹa nca'leuec. Ca quedajo la'qaatec, ca 'xoic na lachicoqo' saua'maxare.

Mateo 17:8

Ca co'na' na'irashiguim, ca' qaica ca liỹa iuanta, qaisoota so Jesús.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Mateo 8:4

Ca' so Jesús 'naaco' queso'maxare: —'Neeto' lotqai 'ue ca 'qaataxañita quedajo. Ta'ta'a quiyim quirepegue', nachaxañireu'a ñi letaxaỹaxanqajnec na qomyipi quena' qaretaxaỹa'pegue' ñi qota'a, chaqai 'ỹaañiro ma'le aca rachitaxanataxanqachi'i' cá'maq relaataxanlec na'le so Moisés, qaiyi ná'ogue ỹa'den quiyim rimi'rec queso ralolaxa'e'.

Marcos 8:30

Qam so Jesús 'ue da laqataxac quiyim qaica ca qara'qaataxanem quedajo.

Lucas 8:56

Ca' saua leta'al ỹaatqajam 'xoic da le'laqa'. Qam so Jesús 'naapegalo quiyim sqaica ca qara'qaataxanem queda 'neeto' na'le.

Lucas 9:36

Ca co'na' ỹoxogue sojo na'qaatec, ca lotqai qaiuane'ta so Jesús qaidaatam. Ca saua'maxare i'maretem', chaqai sqaica ca ra'qaataxanta quedá'maq ỹauanchirigui.