Mateo 17:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 17:5 Iomraidhean Croise

Job 38:1

Ca' ñi qota'olec netaxaỹa'ña so Job, hueetaugui so nonot lodegaxat, 'naaco':

Éxodo 19:19

Chaqai nqo'neetauec na lelamaxa ana npe'te. Ca co'quena' retaqa so Moisés, ca' ñi qota'olec saat, qam na lauel 'ec soxonaxa.

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Mateo 12:18

Cajo cá'maq ilaatec, chaqaica cá'maq ica'acsec, cá'maq ỹim yqo'ta, chaqaica cá'maq ñitoonta'pegue. Ca'maxare sanagui ma'le ñi ñi'Espíritu, qaiyi ỹa'xatem na ỹoreta'oguit qomyipi da sahotaque so'uet.

Mateo 17:6

Co'na' 'xaita dajo, ca' saua lapaxaguinatqa nqa'paxañiñi quena 'laua, ma' 'xoic da lqolonqa'.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Marcos 1:11

Ca' qara'xaỹaque so na'qaatec 'maqot na piguim, 'naaco': —Qami' ná'maq qami' ỹaalec ỹoqo'itaxat, ỹim ỹaatqajam ñitoonta'pegue qami'.

Marcos 9:7

Co'na'le, ca' noviriñi so naueguelec hueetauguilo saua'maxare, ca queso naueguelec 'maxaugui so na'qaatec 'naaco': —Najo ná'maq ỹaalec ỹaatqajam ỹauochaxat, ca' chaqaida na'xaỹaxañiỹa.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:35

Ma' ñi qota'olec ỹaatqajam ỹauotegue so llaalec, vichiguiño' ỹomato'ot ná'ogue ná'maq lalamqateripi.

Juan 5:37

Qai'neeta ñí'maq yila' ita'a i'taxajñi dajo caỹim, 'eno'm se ỹauanapega 'xaiỹa da lavillaxac chaqai sqai huañiỹapega.

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.

Deuteronomio 18:19

Ca ná'ogue ná'maq se na'xaỹaxana cajo itaxaỹaxaqui, ca 'ue ca na'xa'a, ca' semit.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 14:14

Ca na'le, ca lotqai ñamatashiguim, ca seuane'ta so naueguelec lalagaxaic. Ca' so naueguelec nqa'xantalec so 'ec ca ỹale llaalec ỹantañi aso nashi nado'o 'oro quena lqahic, chaqai lo'qoota'a so nichaqsoxonaxat ỹaatqajam ỹaxaraic.