Mateo 17:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qam qaiyi qaica ca ỹo'uet ca qarasauaxaset, ca' quirepegue' aso huaaxai, ca' naqairiñi na roqoinaxanaxachi'. Ca cá'maq 'auaxaic roqoiñicshiqui' nallin, ca' hueetaugui ma'le na lap aca chiróla. Ca aca'maxare nalootañi quiyim shiuetenaxañita caqami' chaqai caỹim. Ca do'iro, ca shiuetenaxañi'.

Mateo 17:27 Iomraidhean Croise

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

1 Reyes 17:4

Ca' ni'chi'sapigui ma'le na huaxaỹaq le'ec so ñaachi. Chaqai mashic shi'gue shinapega na ratecsanyipi quiyim ỹodootegueri' ma'le ca qonoqe'.

Salmos 8:8

chaqai quená'maq ỹoipi quená'maq ỹootac quena piguim, chaqai na nalliñipi hueetañigui ana huaaxai, ¡chaqai quená'ogue ná'maq hueetañigui ana huaaxai!

Jonás 1:17

Qam ñi qara'gaxala' shi'co' ỹaqatqajantari' so nallin lodegaxat quiyim ỹomatañi so Jonás. Ca' so Jonás hueetaquio' na lauel so nallin lodegaxat tres na'xata' chaqai tres piri.

Jonás 2:10

Co'na'le, ca' ñi qara'gaxala' ila' so nallin lodegaxat quiyim nesalegue so Jonás quiyi llima.

Mateo 17:26

Ca' so Pedro 'naaco': —Ná'maq chicqauec. Ca' so Jesús 'naaco': —Vichiguiño' ná'maq lalamaxareteripi, ca' se ishiueten.

Mateo 18:6

Ca' canchaqaica quiyim ỹo'uet ca chicqochigui ca lasauaxaset ca 'óna quená'maq 'ec qaica ca lemaqachic huelec aỹim, ca' paguec la'maxa queca'maxare quiyim qainaxañigui na lavinñi aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Mateo 18:8

Ca' vichiguiño' no'm da rqai'laxachi' loqo'm da qapiaachi' chicqochigui quiyim 'ue ca rasauaxashichi', ca' chaqairec, ca naqairec, qoỹoqote'oga nqai'ñi'. Ma' paguec la'maxa quiyim noxoñira'a da nca'laxa 'oonoqui' da rqai'laxachi' loqo'm qami' chisaq, qam quiyim se qarenaqairiñigui ca norec sqaica lqodoc quiyim naua'que naua rqai'laqachichi' chaqai naloochiriñi naua richilli'.

Mateo 5:29

Ca no'm añi nqochi'i' pa'a'gue da qatoiqui' ỹaueca'guit qami' ca nasauaxaset, naqachi', ca' naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai 'nejem quiyim ná'ogue na roshicmaxa'e' qainaxañigui ca ncopatqo' na hualoxonyipi.

Mateo 5:30

Chaqai no'm na rqai'laxachi' qatoiqui' ỹanataxajñi aqami', ca' chaqairec, chaqai naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai ná'ogue na roshicmaxa'e' qainaxañigui ca ncopatqo' na hualoxonyipi.

Marcos 9:42

Canchaqaica quiyim chicqochigui quiyim 'ue ca lasauaxaset quenaua collo'olqai' quiyim mashic huerelec aỹim, ca paguec la'maxa quiyim qainaxañigui aca huaaxai, qaicoñireto'ot na lqosot ca qa' lodegaxat nopoxoiqataxanaxat.

Marcos 9:43

Chaqai no'm na rqai'laxachi' ỹovirau'a nqai'en ca rasauaxashichi', ca 'maxaraic quiyim chaqairec. Ma' paguec la'maxa quiyim vichirau'a ca nca'laxa, 'eno'm 'oonoqui' ca rqai'laxachi', qam mesqaida quiyim nalo'ojta' naua rqai'laqachichi', qam qarenaqairiñigui ca ncopatoqo' na sauaqhuaiquipi, cá'maq hua'ñi ca norec qaica ishit ỹo'mat,

Lucas 17:2

Ca no'm 'ue ca sham chicqochigui ca lasauaxaset ca 'óna quenajo collo'olqaipioqui', ca'maxare paguec la'maxa quiyim qaicoñira'gue na lqosot ca qa' lodegaxat nopoxoiqataxanaxat, ime, ca' qainaxañigui aca huaaxai.

Juan 6:61

Ca' so Jesús retan quiyim qanqalantapigui da la'qaatec so'maxare, ca so'maxare inat so qomyipi, 'naaco': —¿Peeta'a qamiri quiỹapeguem, se rqo'chiỹa dajo?

Romanos 14:21

'Maxaraic quiyim se qaỹa'ic ca la'at, chaqai quiyim se qani'chigui ca lataxa, chaqai quiyim sqaica ca qaỹo'uet quiyim huaañi ca qarpi'ỹaxaua, loqo'm chicqochigui ca lasauaxaset, loqo'm quiyim ra'lliiñi nqohin ca lpi'ỹaxac.

1 Corintios 8:13

Vichiguiño' no'm aỹim chicqochigui quiyim ca ỹaqaỹa 'ue ca lasauaxaset sauaxat ca na'ic quiyim sa'ic, 'maxaraic quiyim tot sa'ic ca la'at, qaiyi qaica ca 'ue ca lasauaxaset.

1 Corintios 8:9

Qalaxam telqataxañiỹo' quedá'maq 'ñiitari', quiyim qamiri a'guii canchaqaica na'ic, 'neeto' lotqai chicqochigui ca lasauaxaset nqai'ñii cá'maq saqa' ra'ñi da lpi'ỹaxac.

2 Corintios 6:3

Ca qaica quet cá'maq sahoqotaque quiyim 'ue quet ca 'ue ca ỹa'paxat, qaiyi qaica cá'maq se no'uen qaỹa'xat queda qaro'ueenataxanaxac.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

1 Tesalonicenses 5:22

Sqa 'iỹapegueu'a ná'ogue ná'maq se ỹa'maxañi.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.