Mateo 17:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 17:20 Iomraidhean Croise

Mateo 13:31

Ca' so Jesús lotqai ỹa'uo' so liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim, da'maxare 'nejem ana la ana leenaxat mostaza quiyim ca ỹale ỹanlec cá'maq chi na'laua.

Mateo 14:29

Ca' so Jesús 'naaco': —Hua', naqui'. Co'na'le, ca' so Pedro renotec caso neesañigui, ca' qauaata, queetalec so huaxaỹaq, quepegue' yí'maq hueete'e so Jesús.

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 17:19

Ca co'na' ime, ca' saua lapaxaguinatqa ỹoỹooteterec so Jesús quiyim inate', 'neraco': —¿Chi'neco' qomi' ma' se seshitaq so'daqauec so ne'ec lecmaxaic?

Mateo 17:9

Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Mateo 21:21

Ca' so Jesús 'naaco' quesaua'maxare: —Ỹaatqajam llic da shinac caqamiri, quiyim llic 'ue ca rpi'ỹaxaguii chaqai ỹaatqajam 'chichiguiñi nqai'ñii, mesqaidaata dajo shichii 'viichii. Ma' quiyim 'ñiỹapega anajo quemaralec late'ogue': “Qo'ñi' quenajo, 'iriñigui aso huaaxai”, ca' chaqaida 'neeta ipaquichigui dá'maq 'ñiỹac.

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Marcos 11:22

Ca' so Jesús 'naaco': —Pi'iỹa'a ñi qota'olec.

Marcos 11:23

Ma' ỹaatqajam llic da shinac caqamiri, quiyim canchaqaica 'naapega ana quemaralec late'ogue': “Qo'ñi' quena vi'sa'ñi, 'iriñigui aca huaaxai”, qam se ỹoqolliguit ca la'qaatec, ta'ta'a quiyim huelec quiyim ipaquichigui cá'maq 'naac, ca' chaqaida 'neeta.

Marcos 4:31

Da'maxare 'nejem aca la ana mostaza quiyim qoỹanñi quena 'laua. Ana'maxare ỹaatqajam cocho'lli' ana ala, sqai 'nejem ná'ogue ana liỹa nanecse hueetalec ana 'laua.

Marcos 9:23

Ca' so Jesús 'naaco': —No'm shichi' vi'relec, qaica ca qaỹaqalanac quecá'maq huelec.

Lucas 1:37

Ma' ñi qota'olec sqaica ca lqalanec.

Lucas 17:6

Ca' so qara'gaxala' 'naapegalo' saua'maxare, 'naaco': —Qamiri quiyim 'ue ca rpi'ỹaxaguii quiyim lecaato'lli' ana la ana leenaxat mostaza, ca' 'ñiỹapega ada qo'paq late'ogue', 'ñiỹac: “Oquire'e na ñi'sa'ñi, ime, ca' nqo'ñiri'ingui aso huaaxai”, ca' ada qo'paq na'xaỹaxane'talo qamiri.

Lucas 18:27

Ca' so Jesús 'naaco': —Cá'maq na qomyipi se ishit ỹo'uet, qam ñi qota'olec ishit ỹo'uet.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?

1 Corintios 12:9

'Ue na ỹaanem da lpi'ỹaxac chicqochigui nqai'en so Espíritu. Chaqai 'ue na ỹaanem quiyim ishit nataren nqai'en na ralolaxaic.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

Hebreos 3:19

Ca' sa'deenaq quiyim se inoxono' na'le, ma' se na'xaỹaxan.