Mateo 17:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Co'na'le, ca' so Jesús nelaxa, ỹo'daauec so ne'ec lecmaxaic, ca' eec ca'e nqai'en so ne'nec. Ca chaqa'ma' imeuec so'maxare.

Mateo 17:18 Iomraidhean Croise

Mateo 12:22

Co'na'le, ca' qaỹauega'a so Jesús so ỹale 'ue so le'ec lecmaxaic, se neuanñi chaqai se retaqa. Qam so Jesús ỹomatec. Ca' so ỹale lotqai neuanñi chaqai 'vii naua la'qaatqa nqai'en.

Mateo 15:28

Co'na'le, ca 'naaco' so Jesús: —¡Qami' 'aalo, ỹaatqajam chalego lecaic da rpi'ỹaxaqui'! Ca' nagui, ca ỹaatqajam ipaquichigui cá'maq vi'saque. Ca co'na' qohinac dajo, ca chaqa'ma' imeuec aso llaale.

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 17:19

Ca co'na' ime, ca' saua lapaxaguinatqa ỹoỹooteterec so Jesús quiyim inate', 'neraco': —¿Chi'neco' qomi' ma' se seshitaq so'daqauec so ne'ec lecmaxaic?

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Marcos 1:34

Ca' so Jesús ỹaatqajam 'xoic so ỹomatec quesó'maq ralolaxaiquipi ỹoreta'oguit na ralolaxa, chaqai qai'neeta 'xoic na ỹo'daauec na le'ec lecmaxaic. Qam sqai ỹaxanegue na ne'ec lecmaxaic quiyim retaqa, ma' na'maxare ỹa'den negue' so'maxare.

Marcos 5:8

'Naaco' dajo, ma' so Jesús shi'co' 'neetapega so'maxare: —¡Qami' ne'ec lecmaxaic, oquire'e najo ỹale!

Lucas 4:41

Chaqai 'xoic na ralolaxaiquipi eec na le'ec lecmaxaiquipi. Chi ỹaualqatagui, 'neeta'gue: —Chaqaqami' na' qami' llaalec ñi qota'olec. Qam so Jesús nelaxa na ne'ec lecmaxaiquipi, chaqai se ỹa'maxaren quiyim retaqa, ma' na'maxare ỹa'den quiyim chaqaiso só'maq nashi nca'laxaqui.

Lucas 8:29

So'maxare 'naac dajo, ma' só'maq Jesús ỹo'deetapeguec so le'ec lecmaxaic quiyim ca'e so ỹale. Chaqai 'xoico' quen natot so ỹale so le'ec lecmaxaic. Ca' na qomyipi nollaaño' quen so'maxare, ca qaicoñite'o' quen naua laua' chaqai naua lichil quena caréna, qaỹahotaque quiyim qanollaañi. Qam qaiyiita ỹachipiaxate'. Ca' sojo ne'ec lecmaxaic i'guenec nqai'en quenaua hua'ñi qaica qom.

Lucas 9:42

Qam co'na' noquiigo so ne'nec, ca' so le'ec lecmaxaic nenaxañi quena 'laua, ca lotqai ileueta nqai'en. Qam so Jesús nelaxa so le'ec lecmaxaic, ca imeuec nqai'en so ne'nec. Ime, ca ỹopilaxatot so leta'a.

Hechos 16:18

Mashic 'vio' saua na'xata' queda 'neetari', vire'to' na' so Pablo se ỹa'maxaren da 'neetari', ca nqovilque'te, ca nelaxa so le'ec, 'naaco': —Qami' soda'a nagui da leenaxat so Jesucristo, noxoñi'uec cana'maxare. Ca so ne'ec chaqa'ma' eec, ca'e aso'maxare.