Mateo 17:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 17:17 Iomraidhean Croise

Salmos 95:10

Quecaua cuarenta ñaxari so'ootapega so qomyipi, chaqai shinac: Najo qomyipi chalego da llitaxanaxac; ¡se na'xaỹaxanalo naua ilaataxanaxaco!

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Proverbios 1:22

Ne'naqaipi qaica ca retan, 'naxanaxaiquipi chaqai qaica ca la'deenataxanaxac, ¿laquio' 'xañiñi quiyim quiitalec quiyim qaica ca retanaxanaxaguii, chaqai quiyim nachiỹa ca ra'maxahi queda re'naxanaxaguii, ca' se rqo'chiỹa da na'deenaxanaxa?

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Números 14:27

—¿Chi' laquio' ñaqai queeta quiyim ña'ñaxateta'piguita naua la'qaatqa na hualoxonyipi llaalqaipi so Israel? Mashic shi'gue sa'xaỹa quiyim se no'uen da ỹa'xat caỹim.

Mateo 13:58

Ca' mesqai 'xoic ca ỹo'uet quená'maq se qaiuanapega huaugui nqai'en yi'maxare, ma' so'maxare se qoyiuelec quiyi'maxare.

Mateo 16:8

Ca' so Jesús retan, ca 'naaco' quesaua'maxare: —¿Chi'negue ma' 'ñiỹac quiyim qaica ca pan caqamiri? ¡Ỹaatqajam cocho'qui' da rpi'ỹaxaguii qamiri!

Mateo 17:16

Quenajo ñodou'alo na'le naua rapaxaguinataxahi', qam naua'maxare se ishite' ỹomaterec.

Mateo 17:18

Co'na'le, ca' so Jesús nelaxa, ỹo'daauec so ne'ec lecmaxaic, ca' eec ca'e nqai'en so ne'nec. Ca chaqa'ma' imeuec so'maxare.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Marcos 16:14

Ca co'na' ncopa, ca' so Jesús nachaxana so once lapaxaguinatqaipi na' ñaq nqa'amtañi, reloqotalec so nqui'ỹaxala'. Ca so'maxare nelaqauguilo saua'maxare, ma' sqaica ca lpi'ỹaxague' chaqai da la'ñaxague' naua le'taxanatal, ma' sqai huerelec ná'maq mashic iuana so'maxare quiyim shi'gue liỹa qanca'laxatec.

Marcos 9:19

Ca' so Jesús 'naaco': —¡Ỹaatqajam qaica ca huelec najo qomyipi! ¡Canchaqai taỹa'co' quiyim salequetapouguilo qamiri, chaqai canchaqai taỹa'co' quiyim ñiualaxaintegueto qamiri! Ñaq naviguiiri' quenajo ñí'maq ne'nec.

Lucas 24:25

Ca' so Jesús 'naaco': —¡Ỹaatqajam qaico' ca 'yiiñii qamii, chaqai chalego laỹaloxo quiyim viilec ná'ogue na la'qaataxanaxaquipi so la'qaataxanqajanqaipi ñi qota'a!

Lucas 9:41

Ca' so Jesús 'naaco': —¡Ca quena qomyipi sqaica nqai huelec chaqai hualoxonyipi! ¿Tegue' canchaqa lagui viitaque quiyim qamiri iỹaata'pe quiyim ñaqai eec da iualaxavic? Naviquitegue najo ca qachaalqui'.

Juan 20:27

Ime, ca 'naaco' queso Tomás: —Shichiro quenajo ana rpalaaqachi'i', chaqai 'ajñi' ana ñapoquena. Quitot ana napoquena'e', ca' shichiro quena ỹahi. Totqai qollictaxañite', ta'ta'a quiyim virelec.

Hechos 13:18

Ñi qota'olec na'ñaxachiguita naua'que naua se no'viiñi queso qomyipi na' neetalec yi 'laua qaica qom quesaua cuarenta ñaxari,

Hechos 2:40

Ca' quedauajo la'qaatqa so Pedro chaqai 'vii saua liỹa' ỹa'xate', ca' qata so qomyipi, 'naaco': —'Iichiguit ca nouaxanaxaset na qomyipi sqaica huelec, qaiyi rca'lliuec.

2 Corintios 11:1

¡Saxanchi' shichii quet quiyim cocho'qui' na'ñaxachiiguit da 'ec ñiualoxonqaishic! Quecanchaqai 'neeta, qam na'ñaxachiiguit aỹim.