Mateo 16:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Jesús retan, ca 'naaco' quesaua'maxare: —¿Chi'negue ma' 'ñiỹac quiyim qaica ca pan caqamiri? ¡Ỹaatqajam cocho'qui' da rpi'ỹaxaguii qamiri!

Mateo 16:8 Iomraidhean Croise

Mateo 14:31

Ca' so Jesús chaqa'ma' icoñiguit da lqai'laxat. Ca 'naapego': —¡Ỹaatqajam cocho'qui' da rpi'ỹaxaqui'! ¿Chi'neco' ma' sham qollictaxañi'?

Mateo 16:7

Ca' saua lapaxaguinatqa retaxaỹata', 'neraco': —Dajo 'naac, ma' sqaica ca ñi'xataq pan.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Marcos 16:14

Ca co'na' ncopa, ca' so Jesús nachaxana so once lapaxaguinatqaipi na' ñaq nqa'amtañi, reloqotalec so nqui'ỹaxala'. Ca so'maxare nelaqauguilo saua'maxare, ma' sqaica ca lpi'ỹaxague' chaqai da la'ñaxague' naua le'taxanatal, ma' sqai huerelec ná'maq mashic iuana so'maxare quiyim shi'gue liỹa qanca'laxatec.

Juan 16:30

Ca' nagui, ca seuanaxa quiyim ná'ogue nanchaqaina 'yiiñi', chaqai sqo viñi' quiyim qarenachi'. Ca' quedajo, ca seuaqlec quiyim chicqoiro'ot ñi qota'olec.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.