Mateo 16:4 - La'qaatqa ñi qota'olec Qota'olec & Qota'olec Novita Na Qomyipi

⁴ Najo qomyipi hualoxonaq chaqai mashic ca'e ñi qota'olec, na'maxare rashiilaxantaque quiyim qaỹo'uet ca netanec se qaiuanapega. Qam se qoỹaanem ca liỹa netanec, qaisoota so netanec na'le queso Jonás. Ime, ca' no'ueenaqchichiguiñi so qomyipi, ca' eec.

Mateo 16:4 Iomraidhean Croise

Génesis 6:3

Qam ñi qara'gaxala' qota'olec 'naaco': Sqai saxanegue na qom quiyim queeta nca'leetauec, ma' na'maxare chi la'at. Ca cá'maq laloqo' yi nachaalataxac qaiyauate' yaua ciento veinte ñaxari.

Jonás 1:1

Ñi qara'gaxala' qota'olec ỹalamaxachichigui so llaalec so Amitai, leenaxat Jonás, 'naaco':

Jonás 1:17

Qam ñi qara'gaxala' shi'co' ỹaqatqajantari' so nallin lodegaxat quiyim ỹomatañi so Jonás. Ca' so Jonás hueetaquio' na lauel so nallin lodegaxat tres na'xata' chaqai tres piri.

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Mateo 16:5

Ca co'na' saua lapaxaguinatqa so Jesús ỹovirereta queda laseego aso latogot late'ogue', ca couare'e i'xate' ca pan.

Marcos 8:12

Ca so Jesús chi nauequeto' lacat, ca 'naaco': —¿Chi'negue ma' najo qomyipi rashiilaxantaque ca netanec se qaiuanapega? Qam ỹaatqajam llic da shinac caqamiri quiyim nagui ỹaatqajam qaica ca qaỹachaxanem quena netanec na qomyipi.

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hechos 2:40

Ca' quedauajo la'qaatqa so Pedro chaqai 'vii saua liỹa' ỹa'xate', ca' qata so qomyipi, 'naaco': —'Iichiguit ca nouaxanaxaset na qomyipi sqaica huelec, qaiyi rca'lliuec.