Mateo 16:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 16:27 Iomraidhean Croise

Proverbios 24:12

Ca 'eno'm 'taxachisegueñi quiyim sqa 'yiiñi', qam ñí'maq imitac na nasauaxaset qaiyijim retan qami'; qam ỹaatqajam ỹa'deenta ñí'maq ra'ajñisac qota'olec, ñí'maq ipaquichigui nqai'en ca re'xoriqui' cá'maq ro'ueenataxanaxaqui'.

Eclesiastés 3:17

Ca' vichiguiño' shinac ma' ñi qota'olec ñí'maq imit ma'le queca lasauaxaset ca 'maxataxaraic chaqai ca hualoxonaq, ma' quená'ogue 'ue yi laloqo' quená'maq 'ue chaqai quená'maq qaỹo'uet.

Ezequiel 18:20

Ca' qaicaata cá'maq 'ue ca lasauaxaset, ca' ileu. Ca ñaalec se ishiueten ca lasauaxaset ca leta'a, chaqai ca neta'a se ishiueten ca lasauaxaset ca llaalec. Cá'maq ỹo'uet ca ỹa'maqachiguiñi, ca' icoñiguit cá'maq la'maxa da lo'ueenataxanaxac; chaqai cá'maq hualoxonaq, ca' 'ue ca nouaxanaxaset da leualoxonqaishic.

Daniel 7:10

chaqai aso lachiugue, qam norec chicqotacot so'maxare. Ỹaatqajam 'xoic ná'maq ro'ueenataxantacot so'maxare chaqai tot qaica naloqochin só'maq reloqoto'ot so'maxare. Taañi so nimiitaxanaxac quiyi'maxare, ca' qaỹauachiguilo saua lerel.

Zacarías 14:5

Ca' qamiri 'iichii ma'le 'guiñihe'oga ma'le so ca'megue quiichicñigui na lavinñi ada qa' ladocai, ca' viitañigui na lavinñi ma'le daua qari ladocahi, ca so'maxare ỹovira'a ma'le yi Azal, ca' queda lahi quii'tegue. Ma' 'iichii qamiri 'nejem quesom na' 'eete' saua 'auaxaqa qata'allii na' i'loxol na 'laua só'maq viichigui na' neetaho quiyim nashi so Uzías ỹoiquentac yi Judá. Ca nanac ma'le ñi na'gaxala' ñí'maq qota'olec caỹim, nauequeta'pegue' ná'ogue ná'maq na'xaỹaxanta.

Mateo 13:41

Ca' najo ỹale llaalec ila' ma'le na lelaatqaipi piguim laseripi quiyim lapoon quedá'maq lo'ueenataxanaxac ná'ogue ná'maq ỹo'uet ca lasauaxaset ca liỹa, chaqai ná'maq ỹo'ueetetac na se no'uen.

Mateo 13:49

Ca' chaqaida 'neeta ma' ime na 'laua. Nanac ma'le na nelaatqaipi piguim laseripi, quiyim naqata'a ná'maq se no'uen quená'maq lo'yaxanec.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Marcos 14:62

Ca' so Jesús 'naaco': —Ajá'a, chaqaỹim. Ca' qamiri huañiỹa ma'le najo ỹale llaalec nqa'xantañi, pa'aata'gue da loic ñi qota'olec ñí'maq quesaxanaxaic, chaqai ma' rapil, ca naquetaugui na naueguelec hueeto'ot na piguim.

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Lucas 21:27

Ca' qaidaana'guit ma'le najo ỹale llaalec naquetaugui ca naueguelec ỹaatqajam qaica 'nejem ca lquesaxanaxa chaqai ca lauaq.

Lucas 22:69

Qam quenagui najo ỹale llaalec shi'gue nqa'xantañi queda loic ñi qota'a, ñí'maq sqaica 'nejem lquesaxanaxa.

Lucas 9:26

Ma' ca npocoxolec aỹim chaqai da ỹa'qaatec, qai'neeta najo ỹale llaalec npocoxolec ma'le ca'maxare, ma' ỹovirelec quiyim rapil ma' ỹovita quiyim nashi, naquetaugui da lauaq ñi leta'a chaqai na co'teeta lelaatqaipi piguim laseripi.

Juan 21:22

Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

Juan 21:23

Ca' queugui so nqaỹaripi da na'qaatec quiyim se ileu so napaxaguinaxaua. Qam so Jesús mesqai 'naaco' queso'maxare quiyim se ileu. Ta'ta'a quiyim 'naac: “No'm ỹim sahotaque quiyim da'maxare ñaq nca'leetauec, toco' ma' ỹovita quiyim liỹa yapil, qam ¡qami' mesqa 'irapegueu'a!”

Hechos 1:11

Ca 'neraco': —Ỹale', qamiri lase' yi Galilea, ¿chi'negue ma' ra'iitashiguim quena piguim? Sojo Jesús taigue da piguim, chicqochiguinguilo qamiri, chaqaiso so'maxare ma'le liỹa rapil, chaqai 'nejem da 'neeta quiyim nagui ra'iita'pegue' eec.

Romanos 14:12

Ca vichiguiño' quiñi 'óna coqomi' chi nichoxotalta' ma'le quiñi qota'olec.

Romanos 2:6

ma' ñi'maxare ỹa'ue ca laseue' cá'maq lo'ueenatec quiñi 'óna.

1 Corintios 15:23

Qam quiñi 'óna ỹaatqata quecá'maq chi lalamaxat noỹaxanaxac. Qam só'maq Cristo só'maq 'au nca'leuec nqohin. Ime, ca lotqai qalam ná'maq lalamqateripi so Cristo, ma' liỹa rapil.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

1 Corintios 8:8

'Nesa ma' llic quiyim cá'maq na'ic se sachigoxotqagui quiyim qomi' ỹa'maxarente' ñi qota'a. Ma' cá'maq na'ic, no'm sa'guinaq, se ishit quiyim noquigaqchiguita qomi' quiyim no'uen ca qano'ueenataxac; loqo'm quiyim se sa'guinaq, qaiyiita se noquigaqchiguita qomi', ca se no'uen qano'ueenataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Efesios 6:8

Ma' mashic 'yiiñii quiyim quiñi 'óna icoñiguit ma'le queso qara'gaxala' cá'maq laseue' cá'maq lo'yaxanec ỹo'uet, na'ac loqo'm se na'ac.

Colosenses 3:25

Qam cá'maq ỹoueetetac ca se no'uen, ca' icoñiguit cá'maq se no'uen laseue' cá'maq ỹo'ueetetac. Ma' ñi qota'a qaica quet cá'maq ỹapacqajnauec quiyim nqo'ta ca qom queca liỹa.

1 Tesalonicenses 1:10

Chaqai na'maxare qai'neeta ỹa'xatetac dá'maq 'neeta quiyim huaanaxañitac quiyim rapil chicqashiguim so Jesús, só'maq llaalec ñi qota'a, só'maq mashic ileu, qam ñi qota'a liỹa nca'laxatec. Ca' chaqaiso só'maq nca'laxaterec qomi' ma'le quecá'maq chalego lecaic nouaxanaxaset na qomyipi naỹalecna.

1 Tesalonicenses 4:16

Ma' chaqaiso só'maq qara'gaxala' Jesús ma'le renotec quena piguim, naquetagui da lquesaxanaxa da nelaataxac, chaqai naquetagui da loỹaxanaxac ca lashi na chicqashiguim qota'a lelaatqaipi, chaqai da lelamaxa aca npe'te, ma' qaipe'taxanlec nqai'en najo ñi qota'a. Ca' ná'maq queeta'ñi quiyim huelec so Cristo, ca' liỹa nca'leuec nqohin.

Santiago 5:7

Vichiguiño' qamiri ỹaqaỹa', ỹaatqajam coñiỹa da neualaxauenaxaguii quiyim nauaañitaque ca loviraxac so qara'gaxala' Jesús. Ma' ca no'ueenaxasec quiyim ỹahotaque ỹacoñiguit ca loyac ca laỹaxac ca lanecsec, ca ỹaatqajam 'ue da leualaxavic, nauaanta'alo caua loviraxaqui' naua ỹaaqate'.

1 Pedro 1:17

No'm qamiri 'ñiỹac qataa'i ñi qota'olec ñí'maq se nca'aatagui na qom quiyim nimit queca lasauaxaset, ca ỹaatqajam ro'chiỹa ñi'maxare quiyim ñaqai ñiitalec ana 'laua.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.

Judas 1:14

Qai'neeta so Enoc só'maq hueetougui só'maq pa'aatec na' siete nqo'neuec nqohin so llaalqaipi so Adán, so'maxare ỹa'xat dajo na'le na' ra'qaataxan nqohin quiñi qota'a, co'na' 'naac: “Seuañi'chiguit ñi qara'gaxala' nauequeta'pegue' ná'maq canchaqa ỹoto'o' mil ná'maq lalamqateripi,

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.