Mateo 16:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ma' cá'maq ỹahotaque nca'laxatec dá'maq chi nachaalataxac, ca ca'maxare na'laxatañi. Qam cá'maq na'laxatañi da nachaalataxac sougui aỹim, ca' chaqaica cá'maq ỹanata da nachaalataxac.

Mateo 16:25 Iomraidhean Croise

Ester 4:14

No'm re'maqaite' nagui qaica ca 'ñirac, ca' ca lca'laxa na judioipi ỹoqa'a ca chicqa'gue ma'le. Qam qami' chaqai naua chicqoirauguilo qata'alli' ileue' ma'le. Ca' ¡sqoue quiyim vichirau'a qami' nashi, ma' qaỹahotaque qarotauañi' quedajo!

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Eclesiastés 3:6

'Ue yi laloqo' quiyim 'ue ca 'deenaxac, chaqai 'ue yi laloqo' quiyim 'ue ca qoyique'e. 'Ue yi laloqo' quiyim na'maqataxanaxac, chaqai 'ue yi laloqo' quiyim 'ue ca qainaxauec.

Mateo 10:39

Ca cá'maq ỹahotaque nca'laxatec dá'maq chi nachaalataxac, ca na'laxatañi. Qam cá'maq na'laxatañi da nachaalataxac soualec quiyim queeta'pegue' aỹim, ca' chaqaica cá'maq qanca'laxatec ma'le.

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?

Marcos 8:35

Ma' cá'maq ỹahotaque quiyim nca'laxatec da chi nachaalataxac, ca na'laxatañi; qam cá'maq na'laxatañi da nachaalataxac, soualec aỹim chaqai soualec da na'qaatec, ca nca'leuec ma'le ca'maxare.

Lucas 17:33

Ma' ca ỹahotaque nca'laxatec da nachaalataxac, ca' na'laxatañi; qam ca na'laxatañi da nachaalataxac, ca' chaqaica cá'maq nca'laxatec.

Juan 12:25

Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc.

Apocalipsis 12:11

Ma' na qarqaỹaripi loxonec so'maxare, qaỹachigoxochichiguilo saua leuo' so 'ec qagreta llaalec, chaqai quiyim saua'maxare ỹa'xatesac da na'qaatec. Ma' se no'chi' quiyim na'laañi da nachaalataxague', ta'ta'a quiyim qaica ca liỹa ỹahosaque, qaidaata quiyim ileueralec da na'qaatec.