Mateo 16:21 - La'qaatqa ñi qota'olec Qota'olec & Qota'olec Novita Na Qomyipi

²¹ Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 16:21 Iomraidhean Croise

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Mateo 16:22

Co'na'le, ca' so Pedro ỹauegue'oguiyi so Jesús, ỹoỹootetec. Ca 'naaco': —¡Ñi qota'olec qaica ma' ỹovira'guit quet nqai'en qami' dajo, qami' ỹa'gaxala'!

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 17:12

Qam ỹim shinac caqamiri quiyim so Elías shi'gue novi'. Qam naua'maxare se ỹa'deene', ta'ta'a quiyim ỹoiquentac so'maxare quecanchaqai sham 'neeta'gue. Ca' chaqaida 'neeta ma'le quenajo ỹale llaalec 'xoic nqohin ca le'xoric ma'le quenaua'maxare.

Mateo 17:9

Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Mateo 26:47

Ñaq retaqataco' so Jesús co'na' noviro so Judas só'maq 'óna quesaua doce lapaxaguinatqa, liỹaatac so 'xoic qomyipi 'ue na lecat chaqai na nepon qo'paq, nelaatqaipi queso letaxaỹaxanqajanqaipi na qomyipi quena' qaretaxaỹa'pegue' ñi qota'a chaqai so lqo'xonqaipi na judioipi.

Mateo 27:12

Ca co'na' so netaxaỹaxanqajanqaipi chaqai so qo'xoiquipi queso judioipi imaqateguelec na lasauaxaset, qam so Jesús qaica ca ỹa'xat.

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Mateo 28:6

Qam sqaica quenajo. Ma' shi'gue liỹa nca'leuec, ca ipaquichigui dá'maq 'naac na'le. Qam ỹalahi, ñaqai 'ajñii yí'maq qailla'ñi na'le.

Marcos 8:31

Co'na'le, ca' ra'qaataxantapegalo so'maxare, ca 'naaco': —Najo ỹale llaalec 'xoic ma'le ca le'xoric, chaqai qaỹo'daauec ma'le quena nqo'xonqaipi, chaqai quena la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi. Chaqai ra'qaataxanema quiyim qaỹalauat ma'le so'maxare, qam ma' ỹovirerec caua tres na'xata', ca lotqai liỹa nca'leuec.

Marcos 9:12

Ca so'maxare 'naaco': —Ỹaatqajam llic quiyim 'au novi' ma'le ca Elías, quiyim ỹa'maxajñi ná'ogue na leloxoỹaxaquipi. Chaqai ¿negue' cá'maq 'nerac qai'neeta naua naneresañi la'qaatqa ñi qota'olec quiyim ỹa'xate' dá'maq 'neeta ma'le ca ỹale llaalec? Quiyim 'ue ca le'xoric, chaqai ma'le qaica nqo'ta ca'maxare.

Lucas 17:25

Qam 'au quiyim 'xoic ma'le ca le'xoric, chaqai se qaicoñiguit quena qomyipi hueetauguilo nauajo na'xata'.

Lucas 24:46

Ca 'naapegalo': —'Eda 'neeta da qoỹeretañi quiyim ca nashi nca'laxaqui 'au quiyim qaỹalauat, qam ma' ỹovi' tres na'xata', ca lotqai liỹa nca'leuec nqohin.

Lucas 9:31

Ỹaatqajam hueesaugui so nqashilegaxa, qaica ca 'nejem lauaq. Ca' retaqasapigui da 'neeta ca lelauaxa so Jesús ma' ỹovita yi Jerusalén.