Mateo 16:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 16:18 Iomraidhean Croise

Génesis 22:17

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi.

2 Samuel 18:4

Ca' so nashi 'naaco': —Ajá'a, ỹim so'uet cá'maq 'maxariñita qamiri. Ca chaqa'ma' huaxau'a na lahi so lasom, ñigo quiyi na'a'. Ca na' so nalliripi inoxontapeguec, 'ue na mil chaqai 'ue na cien ỹalliripi.

Job 38:17

¿Peeta'a mashic huañita yi nera'ñi ñaua lasomi' yí'maq ỹaatqajam lapalqa' loiquenatec da nelauaxa?

Salmos 107:18

mashic tot ỹo'ueto na loq; ¡mashic sham ileu!

Salmos 127:5

¡Chalego la'maxa queca ỹale quiyim 'xoic ca lovic 'nejem na'maxare! Se nayiloxon quiyim retaxaỹa'pegue' ca npa'guenaxauaripi quiyi nimiitaxanqa' quena nasauaxaset.

Proverbios 24:7

Cá'maq sqaica ca ỹa'den qaica ca ỹa'xat quena' reloqota'guit ca imitac na nasauaxaset, ma' saqa' ỹovita yí'maq ỹaatqajam na'deenaxanaxa.

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Jonás 2:6

Ỹaatqajam seyinñi sovira'ña na lqodoc na qaica 'nejem lishigui'ña; ỹaatqajam 'ec mashic polec aỹim quena 'laua. Qalaxam qami' ỹa'gaxala' qota'olec caỹim, yca'laxachirec queso nelauaxa.

Mateo 10:2

Ca' nauajo nauá'maq leenqate' sauá'maq doce lelaatqa: Simón, ca' da liỹa leenaxat Pedro; chaqai so lqaỹa Andrés; Jacobo chaqai so lqaỹa Juan, llaalqa so Zebedeo;

Mateo 11:23

Chaqai qami' na'a' Capernaum, ¿peeta'a 'ñiisapega quiyim qaiconot qami', ca vichiro'ot na piguim? Qam qarapilaxajñi qami' ma'le ca qaỹoviraqta'ña ca lapooqo' na leuaxaiquipi. Ma' quetqai queso na'a' Sodoma qaỹo'ueeto' na'le dá'maq se qaiuanapega qaỹo'uet caqamiri, sojo na'a' ñaqa 'ue quet nagui.

Mateo 18:17

Ca no'm se na'xaỹaxanalo caua'maxare, ca' qami' 'xachitem ná'maq mashic icoñiguit da na'qaatec ma' lapoota'ta'. Ca no'm se na'xaỹaxana, ca' ca'maxare qohinta'gue cá'maq saqa' icoñiguit da na'qaatec, loqo'm 'neetari' nqohin na icona'piguit ana nishiuete so nashi quiyi Roma.

Mateo 4:18

Ca' so Jesús ỹouootegueri', queeto'ot na lahi aso latogot late'ogue' quiyi Galilea. Ca co'na' iuane'talo saua dos nqaỹa', so 'óna dos leenqate' Simón Pedro, ca' so liỹa leenaxat Andrés. Saua'maxare inaqasegueñi so laleguegue', ma' qoinaxanaxaqa saua'maxare quena nallin.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

1 Corintios 15:55

Qami' nelauaxa, ¿hua'gue ca hueeta'gue ca rquesaxanaxa'e' quiyim qomi' qarque'maqachichi'? Qami' nelauaxa, ¿negue' ca hueeta'gue ca 'ñiisapega rquesaxanaxa'e' 'ñiisapega rauegaxan?”

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Efesios 3:10

Qohine'teco' na'le dajo, qaiyi quená'maq mashic icoñiguit da na'qaatec chicqochigui ma'le quiyim ná'ogue ná'maq nquesaxanaxa chaqai ná'maq relaataxanac quena piguim iuana da la'deenaxanaxa ñi qota'a quená'ogue nanchaqaina leloxoỹaxaquipi.

Efesios 5:32

Ca' dajo sa'xatetac ỹaatqajam chalego lecaic da se re'xogui leloxoỹaxac, ma' dajo ỹa'xat da leloxoỹaxac so Cristo chaqai ná'maq mashic icoñiguit da na'qaatec.

Colosenses 1:18

Qai'neeta chaqaiso so Cristo só'maq lqahic na noshicmaxa, ca na'maxare chaqaina ná'maq mashic icoñiguit da na'qaatec. So'maxare chaqaiso só'maq ỹa'ue da lca'laxa na noshicmaxa. Ma' so'maxare 'au qanca'laxatec na'le queso lelauaxa, ca' qoỹana'ñi quiyim na'gaxala' ỹapacauec quená'ogue.

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

1 Timoteo 3:5

Ma' no'm 'ue ca se ỹa'den ỹashaxan ca lomashaxac, ca ¿negue' ca 'neeta'gue quet quiyim ỹashaxantac ná'maq mashic icoñiguit da la'qaatec ñi qota'a?

Hebreos 12:28

Da lo'ueenataxanaxac ñi qota'a quiyim ỹoiquentac ná'ogue najo, dá'maq ỹaanema qomi', chaqaida dá'maq se qaishit qaidaxan. Ca saanqatecshiguim da qana'aachic quedajo, chaqai semaqachinqatac ñi qota'a, ñañaanqa'tot, sa'deenqatapega cá'maq ỹa'maxarenta.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 21:14

Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.