Mateo 16:11 - La'qaatqa ñi qota'olec Qota'olec & Qota'olec Novita Na Qomyipi

¹¹ ¿Negue' cá'maq 'neeto' ma' se retañii quiyim se sa'xatetac ca pan na' setaqa, na' shinac quiyim rovichii'a ana pe'taxachigui na pan hueetaugui na fariseoipi chaqai na saduceoipi?

Mateo 16:11 Iomraidhean Croise

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 16:12

Co'na'le, ca' ỹa'deene' quiyim so Jesús sqai 'naac quiyim qaỹoueta'a aná'maq re'qoochigui pe'taxachigui na pan, ta'ta'a quedá'maq lapaxaguinataxanaxac na fariseoipi chaqai na saduceoipi.

Mateo 16:6

Ca' so Jesús 'naaco' quesaua'maxare: —Ñaqai 'ajñii, rovichii'o' aná'maq pe'taxachigui na pan hueetaugui na fariseoipi chaqai na saduceoipi.

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Marcos 4:40

Co'na'le, ca 'naaco' so Jesús quesaua lapaxaguinatqa: —¿Chi'negue ma' 'xoic rqolonaxahi? ¿Saqa'leco' ca rpi'ỹaxaguii?

Marcos 8:15

Ca' so Jesús 'neetapegalo' saua'maxare: —'Neeto', se rovichii'a ana pe'taxachigui na pan hueetaugui na fariseoipi chaqai cayi hueeto'ot ñi Herodes.

Marcos 8:21

Ca 'naaco' quesaua'maxare: —¿Qam qaiyiita saqa' 'yiiñii?

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 12:56

Ca' ¡qamiri mashic 'ñiitapega quiyim qamiri 'maxaraqa! Ma' qamiri 'yiiñii 'xachii na netanqaipi na piguim chaqai na 'laua, qam ¿chi'negue ma' sqa 'yiiñii ca 'neete' naua na'xata' seuqatauguilo nagui?

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.