Mateo 16:1 - La'qaatqa ñi qota'olec Qota'olec & Qota'olec Novita Na Qomyipi

¹ So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 16:1 Iomraidhean Croise

Mateo 12:14

Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 15:1

Ca' qanqo'neu'a so Jesús quesaua fariseo chaqai saua napaxaguinataxana' quena naqataxaquipi chicqora'gue da na'a' lodegaxat Jerusalén. Ca renataxane':

Mateo 16:6

Ca' so Jesús 'naaco' quesaua'maxare: —Ñaqai 'ajñii, rovichii'o' aná'maq pe'taxachigui na pan hueetaugui na fariseoipi chaqai na saduceoipi.

Mateo 19:3

Co'na'le, ca 'vio' saua fariseo nqo'nera'a so Jesús, ma' ỹahosaque ỹachi'iñi. Ca renataxane', 'neraco': —¿Peeta'a ỹa'maqachiguiñi queca qom quiyim ỹalat aca loua quiyim 'ue canchaqaica lasauaxaset?

Mateo 22:15

Ca co'na'le, ca' so fariseoipi lapoỹata', na'deentapigui ca leloxoỹaxac, ỹahotaque quiyim 'ue ca ỹachigoxochichigui ca lasauaxaset, ca qainato' so Jesús.

Mateo 22:18

Qam so Jesús retan dá'maq se no'uen ỹahotaque so'maxare, ca 'naapegalo' saua'maxare: —Qamiri ma' 'ñiitapega qamiri 'maxaraqa, ¿chi'negue ma' yi'guiñitac?

Mateo 22:23

Chaqaisooto' so na'xa'a lotqai 'vio' saua saduceo querepegue' so Jesús. Na saduceoipi 'naac quiyim se liỹa nca'leuec ná'maq mashic ileu. Ca na'maxare inato' so Jesús, 'naaco':

Mateo 23:2

—Naua napaxaguinataxana' quena naqataxaquipi chaqai na fariseoipi chaqaina ná'maq qoỹanagui quiyim ỹa'xate' naua leloxoỹaxaco na naqataxaquipi chicqo'ot so Moisés.

Mateo 27:62

Ca na' ime so na'xa'a 'maqataxaqui, ca' ỹovita so na'xa'a co'mataxaqui, ca' so lashillipi na netaxaỹaxanqajanqaipi chaqai so fariseoipi quepegue' so Pilato.

Mateo 5:20

Ma' ỹim shinac caqamiri no'm se napaguiỹalec ná'maq rapaxaguinataxanta'pegue na naqataxaquipi chaqai ná'maq neetau'a na fariseoipi quiyim 'viichii cá'maq ỹahotaque ñi qota'olec, ca' sqaica ma' shichii quet quiyim noxoñiu'a da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 9:11

Qam na ỹalequetaugui na fariseoipi, co'na' iuane'ta dajo, ca inate' saua Jesús lapaxaguinatqa, 'neracsa': —¿Chi'negue ñí'maq ỹapaxaguinta'pe qamiri ishit lqui'ỹaxaua ná'maq ỹacona'piguit ana nishiuete ca nashi chaqai na sauaqhuaiquipi?

Marcos 10:2

Ca 'vio' saua fariseo nqo'nera'a so Jesús ỹahosaque ỹachi'iñi. Ca inate' so'maxare no'm qaỹa'maxarenta quiyim ca ỹale ỹalat aca loua.

Marcos 12:15

Qam so Jesús ỹa'den quiyim se no'uen da 'neesa'pegue saua'maxare, ca 'naaco': —¿Chi'negue ma' viitaque quiyim yachiiñi? Ñaq nodoiquena aca chiróla, ñaq sa'ajan.

Marcos 12:18

Ca co'na'le, ca 'vio' saua saduceo querepegue' so Jesús, ma' na'maxare 'naaco' quen quiyim tot ishit nca'leuec na leuaxaiquipi. Ca co'na'le, ca ỹo'ueete' da la'qaataxanaxague', 'neraco':

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Lucas 11:16

'Uo' na liỹa chi i'guen, ỹashiilatac quiyim 'ue ca ỹachaxan ca netanec se qaiuanapega chicqo'ot nqai'en na piguim.

Lucas 20:23

Qam so Jesús retan quiyim se no'uen da 'neesa'pegue saua'maxare. Ca 'naac: —¿Chi'negue ma' viitaque quiyim yachiiñi?

Lucas 20:27

Ca co'na' ime, ca lotqai 'vio' saua chicqoraugui so saduceoipi, nqo'nera'a so Jesús. Ma' na'maxare 'naaco' quen quiyim se liỹa nca'leuec na leuaxaiquipi. Ca' qohinapega so Jesús:

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Hechos 4:1

So Pedro chaqai so Juan ñaq retaqasapougui so qomyipi, co'na' noviriri' so letaxaỹaxanqajanqaipi na qomyipi quena' qaretaxaỹa'pegue' ñi qota'a. Chaqai qai'neeta novi' so lashi ná'maq reloqota'a añi no'ueenaxanaxaqui quiyi Jerusalén, chaqai so ỹalliripi chicqaugui na leenaxat saduceo.

Hechos 5:17

Ca' so lashi na netaxaỹaxanqajanqaipi chaqai so lotauaripi naneretaugui na leenaxat saduceo, saua'maxare 'uo' da lpa'guenaxanqa'.

1 Corintios 1:22

Na judioipi ipaquetaque iuanchigui ca netanec se qaiuanapega, chaqai na mesqai judío ipaquetaque ca 'xoic na'deenaxanaxa.