Mateo 15:8 - La'qaatqa ñi qota'olec Qota'olec & Qota'olec Novita Na Qomyipi

⁸ Najo qomyipi 'neetapega quiyim yimaqachintac, qam añi le'taxanata ỹaatqajam qoỹoqo'ta nqai'en aỹim.

Mateo 15:8 Iomraidhean Croise

Proverbios 23:26

Qami' ỹaalcolec, ỹaatqajam na'xaỹaxanchiriua', chaqai 'ajñite' quiyim ña'maxateta, ca' yadenaxachi';

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Mateo 15:7

Ca' ¡qamiri 'ñiitapega quiyim ỹaatqajam qamiri llaalqa ñi qota'olec! Ca dá'maq 'ñiitari' ỹaatqajam taachigui dá'maq ỹiriño' na'le so letaxaỹaxanqajnec ñi qota'a leenaxat Isaías, co'na' 'naac:

Marcos 7:6

Ca' so Jesús 'naaco': —Ỹaatqajam taachiguilo qamiri naua la'qaatqa so letaxaỹaxanqajnec ñi qota'a, leenaxat Isaías, co'na' ỹa'xatau'alo qamiri, ma' qamiri 'ñiỹac quiyim qamiri llaalqa ñi qota'olec. Co'na' so'maxare ỹiriñi dajo, 'neetasa': Najo qomyipi imaqachin aỹim, qam qainauate' naua laapi', qam añi le'taxanata qoỹoqo'ta nqai'en aỹim.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Hechos 8:21

Caqami' sqaica quet cá'maq 'neeta quiyim vichirau'a dajo no'ueenataxanaxac, ma' ñi re'taxanata'e' se nachiñiguit da lo'ueenataxanaxac ñi qota'olec.

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

1 Pedro 3:10

Ma' naua naneresañi na'qaatqa 'neracsa': Cá'maq nqo'ta da nachaalataxac chaqai quiyim queetauguilo da loyaague' naua na'xata', ca' no'uen quiyim netela'a ñi lo'legaxanaxat, ca' se ỹa'xat ca se no'uen, chaqai sqai nahougui nqai'en ñi lap ca na'maachic.