Mateo 15:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' ñi qota'olec 'naac: “Se napaquiralec ca qataa'i' chaqai aca qachii'i'”, chaqai “Cá'maq se no'uen ca ỹa'xat queca leta'a loqo'm caca late'e, ca' qaỹalauat.”

Mateo 15:4 Iomraidhean Croise

Éxodo 20:12

Na'xaỹaxañita ca qataa'i' chaqai aca qachii'i', qaiyi ladoc aca rqauaxagui'i' quena 'laua ná'maq saanem qami' ỹim ra'gaxalachi' qota'olec.

Proverbios 23:22

Na'xaỹaxañita ca qataa'i' ma' qami' lo'ueenatec; 'neeto' se rqo'chita aca qachii'i' ma' qo'xoỹom.

Proverbios 30:17

Cá'maq se nqo'ta ca leta'a quiyim ra'iito'ot chaqai ca i'neetac aca late'e quiyim qo'xoỹom, paguec la'maxa quiyim qaỹa'gue' naua nqote' queca ratecsan chaqai qaỹa'ic queca o'ic.

Levítico 19:3

Quiñi 'óna se napacqajan queca leta'a chaqai caca late'e. Se napaguiỹalgoto qai'neeta naua na'xata' ñco'mataxaqui'. Ma' ỹim ná'maq ỹim na'gaxala', ỹim qota'olec caqamiri.

Mateo 15:3

Ca' so Jesús inate'o' saua'maxare, 'naaco': —¿Chi'neco' qamiri qai'neeta sqai na'xaỹaxañiỹalo naua qota'a lelaataxanaxaco, ma' pacqajñiỹauec naua no'ueenataxagohi?

Mateo 15:5

Qam qamiri 'ñiỹac ca qom ishit 'naac queca leta'a loqo'm caca late'e: “Se seshit sotauañi', ma' ná'ogue ná'maq 'ue caỹim shi'gue saanot ñi qota'olec.”

Mateo 19:19

se napaquiseguelec ca qataa'i' chaqai aca qachii'i'; rauochitegue ca liỹa qom, 'nejem qami' nauochiralta'.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Romanos 3:31

Ca quedá'maq qarpi'ỹaxac, ca' ¿qaica ca 'negue nqaishinaq da naqataxaquipi? ¡'E'! Ta'ta'a quiyim se'taxataxañi dá'maq naqataxaquipi.

Efesios 6:1

Chaqai qamiri ñaaqaipioqui', dá'maq 'neeta ma' mashic coñiguit da na'qaatec, ca na'xaỹaxañiỹalo naua qata'allii, ma' dajo dá'maq ỹaatqajam no'uen.

Deuteronomio 27:16

Ñi qota'olec ỹo'uet ca nouaxanaxaset cá'maq se nqo'ta ca leta'a chaqai aca late'e. Ca ná'ogue na qomyipi 'naac: Ajá'a, chaqaida 'neeta dajo.