Mateo 15:32 - La'qaatqa ñi qota'olec Qota'olec & Qota'olec Novita Na Qomyipi

³² Co'na'le, ca' so Jesús roỹaxanalo saua lapaxaguinatqa. Ca 'naaco': —Ỹaatqajam 'ue da i'xorenataxanaxa quena qomyipi, ma' mashic ỹovite' tres na'xata' quiyim hueete'e najo, qam qaica cá'maq ỹa'ic. Ca' se sa'maxaren quiyim pil, se que'e, 'neeto' 'ue ca ileueta quena nayic.

Mateo 15:32 Iomraidhean Croise

2 Reyes 4:42

Ca co'na' ime dajo, ca' ỹoviro' so ỹale na'gue da Baal-salisa, nodou'alo so Eliseo saua veinte paañi' chicqaugui ana cebada chita'gue nqatelecse', chaqai so trigo hueetagui aso ñoxoqui. Ca' so Eliseo ila'o' so lelaatec 'naaco': —'Ỹaañitem na qomyipi ñaq que'o'.

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Mateo 14:13

Ca co'na' so Jesús ỹa'den dá'maq qohine'tegue so Juan, ca' ca'e yi'maxare, renojñigui aso qom lahi' huaxaỹaqse, paca'ta so huaxaỹaq, qaisoota noỹootetec. Qam co'na' qaỹa'den queso qomyipi, ca chicqau'a na na'aateripi, ca' quepegue' quiyi hueetalec 'laua.

Mateo 15:33

Co'na'le, ca' saua lapaxaguinatqa 'neraco': —Qam ¿nega'ỹo' quet cá'maq shinqata'gue quiyim sahoqai ca loq na 'xoic qomyipi? Ma' ná'maq seuqatalec sqaica ca qom naalec.

Mateo 20:34

Ca' so Jesús ỹaatqajam 'uo' da le'xorenataxanaxa quesaua'maxare, ca ipootau'alo naua nqote'. Ca' saua qai'la' chaqa'ma' neuañiñi, ca' coỹaretero queso Jesús.

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

Marcos 9:22

Chaqai mashic 'xoic quiyim ñi ne'ec lecmaxaic taañigui nqai'en na norec chaqai na huaxaỹaq, ma' ỹahotaque ỹalauat. Ca no'm chaqaida quiyim shichi' 'ue ca 'viichi', quiyim qare'xoriñi', ca qarotauañi'.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Hechos 27:33

Ca co'na' tot qoỹoxoguit so na'xa'a, ca' so Pablo ỹahotaque quiyim sá'ogue so qomyipi 'ue ca ỹa'ic. Ca 'naaco': —Mashic ỹovi' catorce na'xata' qaica ca laq chaqai qaica ca que'e.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.