Mateo 15:31 - La'qaatqa ñi qota'olec Qota'olec & Qota'olec Novita Na Qomyipi

³¹ Vire'ta quiyim na qomyipi 'ue na le'laxa quena' iuana retaqa ná'maq qaicaua naua la'qaatqa, ná'maq qaica na lqai'laxat naloochiriñi naua lqai'laqate', ná'maq chisaq qauaata, chaqai ná'maq qai'laq liỹa neuanñi. Ca' quiyi, ca' qaimaqachintac ñi qota'a ñí'maq huelec ná'maq llaalqaipi so Israel.

Mateo 15:31 Iomraidhean Croise

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Éxodo 24:10

Ca' quiyi, ca iuanto' só'naq qota'olec queso Israel. Quecá'maq co'ueeta'ñi, ca' 'ue ca co'ueetalec qashilec 'ec na qa' leenaxat zafiro, chaqai richaañi 'ec na piguim.

Mateo 15:30

Ca' 'xoic so qomyipi ỹovira'a só'maq neeta'ñi so'maxare. Qanodou'a na chisaq, qai'laq, sqaicaua la'qaatqa, qaica lqai'laxat, chaqai 'xoic na liỹa ralolaxaic qailla'ñi yi reloqota'ñi so Jesús. Ca so'maxare imeuec nqai'en.

Mateo 18:8

Ca' vichiguiño' no'm da rqai'laxachi' loqo'm da qapiaachi' chicqochigui quiyim 'ue ca rasauaxashichi', ca' chaqairec, ca naqairec, qoỹoqote'oga nqai'ñi'. Ma' paguec la'maxa quiyim noxoñira'a da nca'laxa 'oonoqui' da rqai'laxachi' loqo'm qami' chisaq, qam quiyim se qarenaqairiñigui ca norec sqaica lqodoc quiyim naua'que naua rqai'laqachichi' chaqai naloochiriñi naua richilli'.

Mateo 21:14

Ca' quiñi no'ueenaxanaxaqui, ca qanqo'neu'o' so Jesús quesaua qai'la' chaqai quesaua qaica ca 'óna lichi. Ca' so'maxare sá'ogue imeuec nqai'en.

Mateo 8:10

Ca co'na' so Jesús 'xaỹa dajo, ca 'uo' da le'laxa. Ca 'naaco' quecá'maq liỹaripi: —Ỹaatqajam llic da shinac caqamiri, quená'ogue na Israel qaica ca seuana qom 'xoic ca lpi'ỹaxac 'nejem dajo ỹale.

Mateo 9:32

Ca co'na' mashic que' saua'maxare, ca 'vio' saua qomi' naueguero so ỹale qaicaua caua la'qaatqa, 'ue so le'ec lecmaxaic.

Mateo 9:33

Ca co'na' so Jesús ỹo'daauec so le'ec lecmaxaic, ca só'maq qaicaua caua la'qaatqa chaqa'ma' retaqa. Ca' so qomyipi i'laq, ca 'naaco': —Se ỹauanapega quiyim 'ue quet ca seuanaxa quena Israel 'nejem dajo.

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Marcos 2:12

Ca chaqa'ma' ne'laxashiguim so ralolaxaic, inanta' so lacanec. Ca' ca'e yí'maq hueeta'ñi, ca sá'ogue so qomyipi chi ra'i'tegue. Ca' quedajo, ca sá'ogue 'xoic da le'laxa. Ca' imaqachintac ñi qota'olec, 'naaco': —Se ỹauanapega 'ue ca seuanqachigui 'nejem dajo.

Marcos 7:37

Ca ỹaatqajam 'xoic da ne'laxa, ca qohinaco' quen: —Ỹaatqajam ná'ogue ná'maq ỹo'ueetetac ỹa'maqachiguiñi, ma' vire'ta na ra'ñaagui lqahic 'qaa nqai'en, chaqai na qaicaua la'qaatqa retaqa nqai'en.

Marcos 9:43

Chaqai no'm na rqai'laxachi' ỹovirau'a nqai'en ca rasauaxashichi', ca 'maxaraic quiyim chaqairec. Ma' paguec la'maxa quiyim vichirau'a ca nca'laxa, 'eno'm 'oonoqui' ca rqai'laxachi', qam mesqaida quiyim nalo'ojta' naua rqai'laqachichi', qam qarenaqairiñigui ca ncopatoqo' na sauaqhuaiquipi, cá'maq hua'ñi ca norec qaica ishit ỹo'mat,

Lucas 14:13

Qam no'm 'viichi' ca nqui'ỹaxac, talaxañi' quena 'xoraic, chaqai na tot qaica ca 'negue, chaqai na ni'iraho naua lichil, chaqai na qai'laqaipi,

Lucas 14:21

Qam co'na' rapil so nelaatec, ca' ra'qaataxanem dá'ogue dajo só'maq na'co'. Ca só'maq na'co' ro'o. Ca 'naapego' so lelaatec: “Mo'e', quiteguelo naua nayico chaqai naua nayicolqai' quenajo na'a'. Ime, ca naviquiro ma'le na 'xoraiquipi chaqai na tot qaica ca 'negue chaqai na ni'iraho naua lichil, chaqai na qai'laqaipi.”

Lucas 18:43

Ca' quiyi, ca so qai'laq neuanñi, ca' co'uaategue so Jesús, imaqachintac ñi qota'a. Chaqai sá'ogue so qomyipi só'maq iuanchigui dajo qai'neeta imaqachintac ñi qota'a.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Juan 9:24

Ca so judioipi lotqai liỹa roỹaxane'oga so ỹale qai'laqo' na'le, ca qohinaco': —Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.