Mateo 15:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Co'na'le, ca 'naaco' so Jesús: —¡Qami' 'aalo, ỹaatqajam chalego lecaic da rpi'ỹaxaqui'! Ca' nagui, ca ỹaatqajam ipaquichigui cá'maq vi'saque. Ca co'na' qohinac dajo, ca chaqa'ma' imeuec aso llaale.

Mateo 15:28 Iomraidhean Croise

Mateo 14:31

Ca' so Jesús chaqa'ma' icoñiguit da lqai'laxat. Ca 'naapego': —¡Ỹaatqajam cocho'qui' da rpi'ỹaxaqui'! ¿Chi'neco' ma' sham qollictaxañi'?

Mateo 15:27

Qam aso'maxare 'naaco': —Ajá'a, llic, qami' ỹa'gaxala', qam vire'ta na pioqripi ỹa'ic quen na lete chicqalec na lqui'ỹaxala' ná'maq na'co'.

Mateo 8:10

Ca co'na' so Jesús 'xaỹa dajo, ca 'uo' da le'laxa. Ca 'naaco' quecá'maq liỹaripi: —Ỹaatqajam llic da shinac caqamiri, quená'ogue na Israel qaica ca seuana qom 'xoic ca lpi'ỹaxac 'nejem dajo ỹale.

Mateo 8:13

Ca' so Jesús 'naaco' na'le queso nouaataxanaq lashi: —Quiro queca ra'aachi', ca' ipaquichigui ma'le dá'maq 'neeta da rpi'ỹaxaqui'. Ca so ne'necoqui' chaqa'ma' imeueco' na'le.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Marcos 5:34

Ca so Jesús 'naaco' caso'maxare: —Qami' ỹaalole, qami' qaromachirec, ma' vi'relec. Ca' nagui, ca' qui', qaica ca huapigui qavilli', mashic remi'rec queso ralolaxa'e'.

Lucas 17:5

Ca' so lelaatqaipi 'nerapego' so Jesús, 'neraco': —Qami' qara'gaxala', noquigaqchirishiguim ma'le ca qarpi'ỹaxac.

Lucas 7:50

Qam so Jesús 'naapega aso 'aalo: —Qami' nagui rca'llirec, ma' vi'relec. Ca' mo'e', qui', qaica huapigui qavilli'.

Lucas 7:9

Ca co'na' 'xaỹa dajo so Jesús, ca' ỹaatqajam 'uo' da le'laxa queca ỹale. Ime, ca ỹamataugui so qomyipi, ca 'naaco': —Ỹaatqajam llic quena Israel llaalqaipi qaica ca seuana quiyim ỹaatqajam lodegaxat ca lpi'ỹaxac 'nejem cajo ỹale.

2 Tesalonicenses 1:3

Qamiri qarqaỹa', qomi' se neme saanqatacot da qana'aachic ñi qota'a caqamiri. Dá'maq 'maxaraic shinqata'gue caqamiri, ma' noquiiquetauec da rpi'ỹaxaguii chaqai nqo'neetauec quiyim ne'xoriñiỹata'.