Mateo 15:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' so Jesús 'naaco': —Ñi qota'olec yilata qainaata na llaalqaipi so Israel, ma' 'neetari' aca qagreta ỹo'meetajlec.

Mateo 15:24 Iomraidhean Croise

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Mateo 15:23

Qam so Jesús sqa saata aso'maxare. Ca' saua lapaxaguinatqa ne'xoresente' queso'maxare, 'nerac: —Vite cá'maq ỹahotaque, ma' na'maxare coỹaretaho coqomi' ỹaualqata'guit.

Mateo 18:11

Ma' najo ỹale llaalec naque ná'maq na'laaxaic qomyipi, ma' ỹahotaque quiyim nca'laxatec.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Romanos 15:8

Ma' quedá'maq shinac, quiyim so Cristo nanac ma' ỹahotaque quelola na judioipi, ma' ỹahotaque ipacqajanchigui ỹo'uet dá'maq qaỹachaxantapeguem na'le so 'auaxaic qareta'allipi, qaiyi ichoxot quiyim ñi qota'olec ipacqajanchiguilo nauá'maq ỹachaxanta'pe.