Mateo 15:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' aso 'aalo lase yi Canaán neetalec yijo 'laua, so'maxare ỹaualqata'guit nacpegue' so Jesús, 'naaco': —¡Qami' ỹa'gaxala', qami' llaalec so nashi David, yi'xoriñi'! Ma' ayi ỹaale 'ue ñi le'ec lecmaxaic, ca' chalego da le'xoric nqai'en.

Mateo 15:22 Iomraidhean Croise

Salmos 45:12

Llaale ñi nashi quiyi na'a' lodegaxat Tiro, yí'maq paguec nesallaxanec quena qomyipi ỹahotaque na lame, sha'apiguito' rqouaquitegue.

Salmos 6:2

Qami' ỹa'gaxala', yi'xoriñi', ma' ñauate'e quiyim qaica ca ỹa'ñaxac. Qami' ỹa'gaxala', rapilaxachi' ca ỹa'maxa, ma' ná'ogue na ỹoshicmaxa i'loxol.

Ezequiel 3:6

Se selachita na ỹoreta'oguit qomyipi ỹora'alo naua la'qaatqa sqai 'qa'italo naua la'qaatqa. Ca 'eno'm quet selata qami' na ỹoqa'a qomyipi, na'maxare na'xaỹaxana quet qami'.

Mateo 1:1

Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.

Mateo 15:23

Qam so Jesús sqa saata aso'maxare. Ca' saua lapaxaguinatqa ne'xoresente' queso'maxare, 'nerac: —Vite cá'maq ỹahotaque, ma' na'maxare coỹaretaho coqomi' ỹaualqata'guit.

Mateo 17:15

—Qami' ỹa'gaxala', 'xoriñi' da ỹaalec. Ma' da'maxare chalego da le'xoric chita'gue quen lotqai ileueta. Chaqai 'xoic taañigui quen na norec chaqai na huaxaỹaq.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 9:27

Ca co'na' eec, ca'e yi'maxare so Jesús, ca' coỹaretero saua dos qai'la', ỹaualqata'guita, 'nerac: —¡Qami' llaalec so David, qare'xoriñi'!

Lucas 17:13

Ca' ỹaualqagui, 'naaco': —Jesús, qami' napaxaguinataxanaq, qare'xoriñi'.

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 6:18

Ca' na qomyipi ná'maq 'ue na le'ec lecmaxaic qai'neeta imeuec.