Mateo 15:2 - La'qaatqa ñi qota'olec Qota'olec & Qota'olec Novita Na Qomyipi

² —¿Chi'neco' nauá'maq rapaxaguinataxahi' ma' sqai querelec dá'maq no'ueenataxac só'maq 'auaxaic qareta'allipi? Ma' se ipacqajñigui da leloxoỹaxac quiyim quiỹo' naua lqai'laqate' quena' saqa' que'e.

Mateo 15:2 Iomraidhean Croise

Génesis 1:14

Co'na'le, ca 'naaco' ñi qota'olec: 'Uo' ma'le caua ỹavigouguilo quena piguim, ca' coỹarerelec na 'laua, ca ỹoỹootere'oga yi na'xa'a quiyi pe, chaqai ỹo'uet quiyim qaretane' naua na'xata', naua ñaxari, chaqai naua na'xata' napoxoqui'. Ca' chaqaida 'neeto' na'le.

Ester 3:3

Ca co'na'le, ca' so lotauaripi so nashi inato' so Mardoqueo chi'negue ma' se na'xaỹaxana da la'qaatec so nashi.

Mateo 15:3

Ca' so Jesús inate'o' saua'maxare, 'naaco': —¿Chi'neco' qamiri qai'neeta sqai na'xaỹaxañiỹalo naua qota'a lelaataxanaxaco, ma' pacqajñiỹauec naua no'ueenataxagohi?

Marcos 7:2

Sojo ỹalliripi 'vio' saua ỹauanchiguilo quesaua lapaxaguinatqa so Jesús quiyim napio'ỹi' naua napoquena quena' que'e, ma' se qaipaguelec da 'ueenataxac quiyim qaiquiỹo', ca' qoyiqueteguelgoto saua'maxare.

Marcos 7:5

Ca' so fariseoipi chaqai so napaxaguinataxanaripi quena naqataxaquipi inatetac so'maxare 'naaco': —¿Chi'negue ma' naua rapaxaguinataxahi', ma' sqai quelgoto naua no'ueenataxaco so 'auaxaic qareta'allipi? Ma' napio'ỹi' naua napoquena quena' que'e.

Lucas 11:38

Ca' so fariseo ỹaatqajam 'ue da le'laxa, ma' iuanchigui so Jesús quiyim se ipacqajanchigui quiyim quiỹo' naua lqai'laqate' quena' sham que'e.

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,