Mateo 15:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Mateo 15:19 Iomraidhean Croise

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Proverbios 24:9

Dá'maq na'deenaxac cá'maq qaica ca ỹa'den, ca chaqaida da nasauaxaset; qaica ca ishit na'ñaxachiguit cá'maq i'neetac ca liỹa.

Isaías 59:7

naua lichil ta'chiguita quiyim ỹo'uet ca se no'uen, 'ue da lquipitqachic quiyim ỹocoraxata'pe caua leuo' ca qaica ca lasauaxaset. Ỹa'deentaque ca lalauataxanaxac, ca quecá'maq que'tegue, ca' nopoxoỹaxajñi chaqai na'laxatañi.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Números 22:29

Ca' so Balaam 'naaco': —Mashic chi yi'ñirari', quetqai 'ue ca llicat nagui, ca chaqa'ma' salauachi'.

Mateo 15:20

Ca' nauajo nauá'maq napio'qochite' ca nachaalataxac ca qom. Qam dá'maq quiyim nqui'ỹaxac, ca' se qaipacqajñigui da leloxoỹaxac quiyim qaiquiỹo' naua nqai'laqate', da'maxare se napio'xot ca nachaalataxac ca qom.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Hechos 8:22

Lachi' dajo se no'uen caqami', ca repaquira'a, shiila'e' ñi qota'olec, sha'apiguito' sqai caapeguem dá'maq ra'deenataxanaxaqui' hueetagui añi re'taxanata'e'.

Romanos 7:18

Ma' ỹim sa'den quiyim caỹim qaica quet cá'maq hueetagui lo'yaxanec na ỹoshicmaxa. Ma' 'ue na ishoxo quiyim so'uet cá'maq ỹa'maqachiguiñi, qam quiyim so'uet, ca' se seshit so'uet.