Mateo 15:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ná'ogue ná'maq ỹa'ic na qom se napio'xot da nachaalataxac. Ta'ta'a ná'maq la'qaatqaipi chicqotapougui na lap, chaqaina ná'maq ishit napio'xot da nachaalataxac.

Mateo 15:11 Iomraidhean Croise

Mateo 15:10

Co'na'le, ca' so Jesús roỹaxanougui so qomyipi, ca 'naaco': —Na'xaỹaxañiỹa da ỹa'qaatec, ca' 'yiiñita ma'le:

Mateo 15:12

Ca' saua lapaxaguinatqa so Jesús noquiicra'a so'maxare, ca 'neraco': —¿'Yiiñi' quiyim so fariseoipi ỹaatqajam ro'o na' 'xaỹa da ra'qaachiqui'?

Marcos 7:15

Ná'ogue ná'maq ỹa'ic ca qom quiyim que'e qaica ca ishit napio'xot da nachaalataxac. Qam ná'maq chicqa'ña añi le'taxanata, ca' chaqaina ná'maq ishit napio'xot ca'maxare.

Romanos 14:14

Ma' ỹim sa'deenta quiyim qaica quet cá'maq chi nanoiquentac se no'uen. Ca' dajo ỹaatqajam se'taxachichiguiñi quiyim lliqueta, ma' ỹim seuelec so qara'gaxala' Jesús. Qam no'm 'ue ca hueetapigui lauel quiyim 'ue ca se no'uen, ca' se no'uen, qam queca'maxare.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 14:20

'Neeto' na'laañi nqai'ñi' dá'maq lo'ueenataxanaxac ñi qota'a sauaxat cá'maq 'qui'. Llic ma' ná'ogue ná'maq na'ic co'teeta, qam dá'maq se no'uen quiyim 'ue ca qaỹa'ic, ca' chicqochigui quiyim 'ue ca lasauaxaset ca liỹa.

1 Timoteo 4:3

Najo qomyipi se ỹa'maxaren quiyim 'ue ca 'on, chaqai 'ue na se ỹasen quiyim qaỹa'ic quena na'ic. Qam ñi qota'a ỹo'uet najo na'ic, ỹauaaque quiyim ỹa'ic ná'maq mashic icoñiguit da na'qaatec chaqai ná'maq ỹa'deenta da leloxoỹaxac ỹaatqajam llic, ca ỹaantecshiguim da na'aachic quena' que'e.

Tito 1:15

Qam quená'maq co'teeta yi la'deenataxanaxac, ná'ogue nanchaqaina co'teeta. Qam quená'maq sqai huelec chaqai napio'o yi la'deenataxanaxac, ca 'ec qaica cá'maq co'teeta, ma' na'maxare vire'ta yi la'deenataxanaxac napio'o.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.